04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Մարմարիկում անհետացած 2 տարեկան երեխային դեռ փնտրում են
Հասարակություն
06.05.2025 | 11:20
Արդեն երրորդ օրն է, ինչ Ծաղկաձոր խոշորացված համայնքի Մարմարիկ բնակավայրում անհետացած 2 տարեկան երեխային գտնել չի հաջողվում․ վաղ առավոտից ՆԳՆ փրկարար ծառայության աշխատակիցները վերսկսել են որոնողափրկարարական աշխատանքները։ Այս մասին Factor.am-ը տեղեկացավ երեխայի հարազատներից մեկից։
Քննչական կոմիտեից երեկ հայտնեցին, որ 2 տարեկան երեխայի անհետացման փաստի առնչությամբ նախաձեռնվել է քրեական վարույթ՝ Քրեական օրենսգրքի 155-րդ հոդվածի 1-ին մասի հատկանիշներով: Հոդվածը վերաբերում է մարդու կյանքի դեմ ուղղված հանցագործությանը։
Հիշեցնենք՝ մայիսի 4-ին ՆԳՆ փրկարար ծառայություն ահազանգ էր ստացվել, որ 2 տարեկան տղա երեխան Մարմարիկ գետի ափին կորել է, և ծնողներն ունեն կասկածներ, որ հնարավոր է՝ երեխան անզգուշաբար գետն ընկած լինի։
Որոնողափրկարարկան աշխատանքներին ներգրավված են ՆԳՆ փրկարար ծառայության ջրասուզակ-փրկարարներ, կինոլոգ-փրկարարներ շներով և ոստիկանության ուժեր։ Օգտագործվում են նաև անօդաչու սարքեր։
Անի Թամրազյան
