14.07.2026 | 13:47
Ալբանիան պատրաստ է Հայաստանի հետ կիսել ԵՄ ինտեգրման իր փորձը
Վայոց ձորի մարզպետը LEXUS է գնել և դարձել ՔՊ անդամ
Հասարակություն
05.05.2025 | 15:45
Վայոց ձորի մարզպետ Կոլյա Միքաելյանն անցած տարի թարմացրել է իր ավտոպարկը․ նա 3 մլն դրամով վաճառել է իր HYUNDAI մակնիշի ավտոմեքենան և 12 մլն դրամով գնել LEXUS ավտոմեքենա (2011 թվականի արտադրության)։ Ըստ մարզպետի գույքի և եկամուտների հայտարարագրի՝ Միքաելյանը LEXUS-ը ձեռք է բերել Արշակ Օրդուխանյանից, որը ՔՊ-ական պատգամավոր Վիլեն Գաբրիելյանի հրաժարականից հետո պետք է դառնար ԱԺ պատգամավոր, սակայն հրաժարվել է մանդատը վերցնել։
Վայոց ձորի մարզպետն ունի նաև VAZ մակնիշի 2015 թ․ արտադրության ավտոմեքենա։ Որպես անշարժ գույք նա հայտարարագրել է անհատական բնակելի տուն և հողամաս։
Կոլյա Միքաելյանն ունի 6 մլն դրամ բանկային ավանդ։ 2024-ի տարեվերջին նրա բանկային հաշվին եղել է 1․2 մլն դրամ, կանխիկ ունեցել է 1 մլն դրամ, նաև ունեցել է 4․5 մլն դրամ վարկ։ Միքաելյանը մոտ 15 մլն դրամ աշխատավարձ է ստացել մարզպետարանից։
Կոլյա Միքաելյանի կնոջ՝ Անթառամ Առաքելյանի հայտարարագրում ո՛չ գույքի, ո՛չ եկամուտների, ո՛չ էլ որևէ այլ բաժնում նշում չկա։
Ի դեպ, մինչև մարզպետ նշանակվելը Միքաելյանն Ազգային անվտանգության ծառայության Վայոց Ձորի մարզային վարչության պետն էր, անկուսակցական։ 2023-ի վերջին մարզպետի պաշտոնը ստանձնելուց հետո Կոլյա Միքաելյանը դարձել է «Քաղաքացիական պայմանագիր» կուսակցության անդամ։
Գայանե Խաչատրյան
