11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
ՊԵԿ-ը Սեդրակ Քոչարյանի վերաբերյալ վարչական իրավախախտման արձանագրություն է կազմել․ նա դիմել է դատարան
Հասարակություն
02.05.2025 | 21:02
Հայաստանի երկրորդ նախագահ Ռոբերտ Քոչարյանի որդին՝ Սեդրակ Քոչարյանը, դատական հայց է ներկայացրել Պետական եկամուտների կոմիտեի դեմ։ Այս մասին տեղեկանում ենք «Դատալեքս» դատական-տեղեկատվական համակարգից։
Ըստ համակարգում առկա տեղեկատվության՝ Պետական եկամուտների կոմիտեն Սեդրակ Քոչարյանին վարչական պատասխանատվության է ենթարկել, և նա այդ ակտի դեմ է բողոք ներկայացրել։
Քոչարյանի վարչական ակտը «Վարչական իրավախախտումների մասին» օրենսգրքի 169․1 հոդվածով է, այսինքն՝ Հաշվապահական հաշվառումը (գրանցումը) խախտումով վարելը, երբ դա կարող է առաջացնել (առաջացրել է) հարկի նվազեցում կամ հայտարարագիրը, հաշվարկը ժամկետում չներկայացնելը:
Ըստ գործի՝ Սեդրակ Քոչարյանի ներկայացուցիչը փաստաբան Արամ Վարդևայանն է, սակայն նրա հետ կապ հաստատել և այլ մանրամասներ ճշտել մեզ չհաջողվեց։
Արաքս Մամուլյան
