06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ԱՆ գլխավոր քարտուղարը և ՔԿԾ պետն այցելել են «Սևան» և «Աբովյան» ՔԿՀ-ներ
Հասարակություն
02.05.2025 | 18:32
Արդարադատության նախարարության գլխավոր քարտուղար Էդգար Հովսեփյանը և Քրեակատարողական ծառայության պետ Ծովինար Թադևոսյանն այցելել են «Սևան» և «Աբովյան» քրեակատարողական հիմնարկներ՝ տեղում ուսումնասիրելու ազատազրկված անձանց պահման ընթացիկ պայմանները, գնահատելու նախատեսվող շինվերանորոգման աշխատանքների ծավալն ու հնարավորությունները։ Այս մասին տեղեկացնում են ՀՀ արդարադատության նախարարությունից:
«Սևան» քրեակատարողական հիմնարկում Ծովինար Թադևոսյանը և Էդգար Հովսեփյանը մասնակցել են նաև ծառատունկին, հետևել են նոր վերանորոգված դասասենյակներում իրականացվող դասապրոցեսին, ճաշարանում ազատազրկված անձանցից հետաքրքրվել են մատուցվող սննդի որակից, քննարկել կահույքաշինության արտադրամասի գործունեության առավել արդյունավետ ուղիները։
Աշխատանքային այցի շրջանակներում շրջայց է իրականացվել «Աբովյան» քրեակատարողական հիմնարկի վարչական շենքի, ինչպես նաև ազատազրկված անձանց բնակելի գոտիների՝ ամբողջովին վերանորոգված և բարեկարգված տարածքներում։ Ծառայության պետը և գլխավոր քարտուղարն այցելել են նաև երկարատև և կարճատև տեսակցությունների սենյակները, տեղում նախանշել շինվերանորոգման աշխատանքների հեռանկարները։
Այցի ընթացքում Էդգար Հովսեփյանը և Ծովինար Թադևոսյանը զրուցել են նաև ազատազրկված կանանց հետ։
