30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Հայտնաբերվել են 13 հետախուզվող և 3 անհետ կորած
Հասարակություն
02.05.2025 | 13:51
Բացահայտվել է 162 հանցագործություն, որոնցից 5-ը՝ նախկինում կատարված․ տեղեկացնում են ՆԳՆ ոստիկանությունից։
Մասնավորապես՝ 26 դեպք՝ թմրանյութի հայտնաբերման, 18 դեպք՝ մարմնական վնասվածք պատճառելու, 12 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 10 դեպք՝ ֆիզիկական ներգործության, 9-ական դեպք՝ անձնական ունեցվածքի գողության ու խարդախության, 8 դեպք՝ խուլիգանության, 6-ական դեպք՝ հոգեկան ներգործության և զենք-զինամթերքի առգրավման, 5 դեպք՝ վստահված գույքի հափշտակման, 4 դեպք՝ գույքը վնասելու կամ ոչնչացնելու, 3-ական դեպք՝ թմրանյութի իրացման, բուժաշխատողի կողմից մասնագիտական պարտավորությունները չկատարելու ու աշխատանքի պաշտպանության կանոնները խախտելու, 2-ական դեպք՝ մարդու առևանգման, պաշտոնեական լիազորությունների չարաշահման, սառը զենքի հայտնաբերման, երեխայի դաստիարակության կամ խնամքի պարտականությունը չկատարելու կամ ոչ պատշաճ կատարելու, վարժական հավաքներից խուսափելու և փաստաթղթեր կեղծելու:
Բացահայտվել են նաև կողոպուտի, բնակարանային գողության, կենդանիների նկատմամբ դաժան վերաբերմունքի, կաշառակերության, պաշտոնեական կեղծիքի կամ անփութության, ընդերքի պահպանման կամ օգտագործման պահանջները խախտելու, ինքնիրավչության և այլ դեպքեր:
Նախկինում կատարված հանցագործություններից բացահայտվել է՝ բնակարանային գողության՝ 2, սպանության, մարմնական վնասվածք պատճառելու և անձնական ունեցվածքի գողության 1-ական դեպք:
Հայտնաբերվել է 13 հետախուզվող, կամավոր ներկայացել՝ 6-ը: Հայտնաբերվել է 3 անհետ կորած:
ՃՏՊ վիճակագրություն
Անցած 1 օրում գրանցված 12 ավտովթարի հետևանքով`14 մարդ ստացել է տարբեր աստիճանի մարմնական վնասվածքներ։
