Նոր Նորքի թաղապետի, Արթուր Չախոյանի ու մյուս մեղադրյալների նկատմամբ կիրառվել է բացակայելու արգելք խափանման միջոցը

Նոր Նորքի թաղապետարանում ծեծկռտուքից հետո նախաձեռնված քրեական վարութով բոլոր 4 մեղադրրյաների նկատմամբ՝ այդ թվում թաղապետի, որպես խափանման միջոց է կիրառվել բացակայելու արգելքը։ Այս մասին Factor.am-ին հայտնեց ՔԿ մամուլի խոսնակ Կիմա Ավդալյանը։ Մյուս երեք մեղադրյալները, Factor.am-ի տեղեկություններով, թաղապետարանի աշխատակիցներ են։ Այս վարույթը նախաձեռնվել է մի խումբ անձանց կողմից ֆիզիկական ներգործության հատկանիշներով։

Իսկ մեկ այլ՝ մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով խուլիգանության հատնանիշներով նախաձեռնված վարույթով երկու մեղադրյալ կա՝ Արթուր Չախոյանն ու Երևանի ավագանու «Մայր Հայաստան» խմբակցության անդամ Մեսրոպ Մանուկյանը։ Նրանց նկատմամբ ևս որպես խափանման միջոց է կիրառվել բացակայելու արգելքը։

Հիշեցնենք՝ Արթուր Չախոյանն ու Մեսրոպ Մանուկյանն օրեր առաջ համատեղ տեսանյութ էին հրապարակել Նոր Նորքի նոր վերանորոգված թիվ 105 մանկապարտեզից՝ ցույց տալով կատարված անորակ աշխատանքները։ Դրանից հետո Չախոյանը գրառում էր արել, որ Նոր Նորք վարչական շրջանի ղեկավարը զանգահարել է իրեն ու Մանուկյանին, սպառնացել և հայհոյել։ Հաջորդ օրը թաղապետարանի շենքում Չախոյանն ու Մանուկյանը բողոքի ակցիա էին իրականացրել՝ հրապարակելով հեռախոսազանգի ձայնագրությունը, որտեղ նախ թաղապետն է հայհոյում, ապա փոխադարձ հայհոյանքներ են հնչում։ Եվ քանի որ Տիգրան Տեր-Մարգարյանն աշխատավայրում չի եղել, ակցիայի կազմակերպիչները յոգուրտ էին լցրել թաղապետի լուսանկարների վրա, որոնք իրենց հետ էին տարել:

Արփի Հակոբյան