24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Yandex սնունդին 300 մլն տուգանեցինք, բենզինի շուկայում 1 մլրդ տուգանք է նշանակվել․ Գեղամ Գևորգյան․ ՏԵՍԱՆՅՈՒԹ
Հասարակություն
30.04.2025 | 12:46
«2024 թվականի ընթացքում 3 միլիարդից ավելի տուգանք է կիրառվել տնտեսավարողների նկատմամբ մրցակցային իրավախախտումների առնչությամբ, որից շուրջ 1 մլրդ 124 մլն դրամն արդեն մուտքագրվել է պետական բյուջե»,- այս մասին հայտարարեց Մրցակցության պաշտպանության հանձնաժողովի նախագահ Գեղամ Գևորգյանը՝ ԱԺ Տնտեսական հարցերի մշտական հանձնաժողովի նիստում ներկայացնելով հանձնաժողովի 2024 թվականի գործունեության վերաբերյալ հաղորդումը: Պաշտոնյայի փոխանցմամբ՝ հանձնաժողովը պետական մարմիններին տվել է 5 նախազգուշացում:
Գեղամ Գևորգյանը նաև անդրադարձավ մի շարք ոլորտներում գերիշխող դիրքի չարաշահման հիմքով կապված դեպքերին։
«Yandex սնունդ»-ին 300 միլիոնից ավելի տուգանք նշանակեցինք։ Մենք որակեցինք, որ ընկերությունը, ունենալով ֆինանսական ռեսուրս և հնարավորություններ, իր ազդեցությունը կարողացել էր օգտագործել և շուկայում մեծ ծավալ էր զբաղեցրել։ Ընկերությունը նաև տնտեսապես չհիմավորված էժան գին էր սահմանել ապրանքների համար։ Վարքագիծը կասեցվել է, և Yandex-ին պատասխանատվության ենթարկեցինք։ Մյուսը դիզելի և բենզինի շուկային է վերաբերվում, որտեղ 1 միլիարդի տուգանք նշանակեցինքն»,- տեղեկացրեց Գևորգյանը։
Նա նաև հայտնեց, որ նախորդ տարի բենզինի շուկայում 2 նոր խաղացող է հայտնվել։
Մանրամասները՝ տեսանյութում։
