15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Դատավոր Արտուշ Գաբրիելյանի գործով կաշառք տալու և օժանդակելու մեջ մեղադրվող անձինք կալանավորվել են
Հասարակություն
30.04.2025 | 12:40
Դատավոր Արտուշ Գաբրիելյանի գործով երկու անձ կալանավորվել է: Նրանցից մեկը մեղադրվում է կաշառք տալու, մյուսը՝ կաշառքի օժանդակության մեջ: Այս մասին հայտնում են իրավապահ համակարգում Factor.am-ի աղբյուրները:
Ըստ գործի՝ Գաբրիելյանը կաշառք է ստացել իր վարույթում քննվող գործերով մեկը ձգձգելու համար, որպեսզի անցնի մեղադրյալին պատասխանատվության ենթարկելու վաղեմության ժամկետը:
Մեր աղբյուրների փոխանցմամբ՝ գործի շրջանակներում դատավորի նկատմամբ օպերատիվ- հետախուզական միջոցառումներ են իրականացվել:
Հիշեցնենք, որ երեկ Հակակոռուպցիոն կոմիտեի քննիչները խուզարկություն են իրականացրել Արտուշ Գաբրիելյանի աշխատասենյակում, որից հետո Գլխավոր դատախազը միջնորդություն է ներկայացրել ԲԴԽ՝ դատավորի նկատմամբ քրեական հետապնդում հարուցելու և նրան ազատությունից զրկելու թույլտվություն ստանալու համար: Այս պահին ԲԴԽ-ն քննում է քրեական հետապնդում հարուցելու թույլտվության հարցը:
Արաքս Մամուլյան
