08.09.2026 | 18:32
Հայաստան-Թուրքիա սահմանի թուրքական Ալիջան անցակետի բացման շինաշխատանքները շարունակվում են. ԼՈՒՍԱՆԿԱՐՆԵՐ
Ստամբուլի քաղաքապետարանի ևս 18 աշխատակից է կալանավորվել
Քաղաքականություն
30.04.2025 | 12:30
Կոռուպցիոն հետաքննության շրջանակում Ստամբուլի գլխավոր դատախազությունը քաղաքապետարանի գործողությունների երկրորդ ալիքն է իրականացվել։ Թուրքական լրատվամիջոցների հաղորդմամբ՝ դատարանը 18 անձի կալանավորման որոշում է կայացրել, 4 անձ տնային կալանքի է ենթարկվել, 26 անձ ազատ է արձակվել՝ դատական վերահսկողության պայմանով։
Մինչ այս, հաղորդվել էր ապրիլի 52 անձի ձերբակալության մասին։ Դատախազությունը 30 մարդու կալանավորման միջնորդություն էր ներկայացրել։
Կալանավորվածների թվում է Ստամբուլի ընդդիմադիր քաղաքապետ Էքրեմ Իմամօղլուի կնոջ եղբայրը՝ Ջևեթ Կայան, Բաքըրքյոյի մունիցիպալիտետի փոխնախագահ Ալի Ռիզա Աքյուզը և անվտանգության աշխատակից Չաղլար Թուրքմենը, որը, իբր, անջատել է այն հյուրանոցի անվտանգության տեսախցիկները, որտեղ Էքրեմ Իմամօղլուն հանդիպում է անցկացրել։
Դատավորը կալանքի որոշում է կայացրել նաև մի քանի հայտնի անձանց նկատմամբ, այդ թվում՝ ISTTELKOM SA-ի գլխավոր տնօրեն Մելիհ Գեչեքի, Ստաբուլի քաղաքապետարանի տեղեկատվական տեխնոլոգիաների բաժնի ղեկավար Նաիմ Էրոլ Օզգյուների։ Ձերբակալված մյուս կասկածյալները քաղաքապետարանի և դրա դուստր ձեռնարկությունների տարբեր բաժիններից են:
Հիշեցնենք, որ Թուրքիայի նախագահ Ռեջեփ Թայիփ Էրդողանի գլխավոր քաղաքական մրցակից Էքրեմ Իմամօղլուն ընդդիմադիր Ժողովրդահանարպետական կուսակցությունից (CHP) մարտին ձերբակալվել, ապա կալանավորվել է կոռուպցիայի մեղադրանքով։ Նա նաև մեղադրվում է ահաբեկչական խմբավորմանն օգնելու մեջ։
Իմամօղլուի կալանավորումը Թուրքիայում վերջին տասնամյակի ամենախոշոր ցույցերին է հանգեցրել։ Ընդդիմության կողմից բողոքի տարբեր ակցիաներն ու հանրահավաքները շարունակվում են։
Թարգմանությունը՝ Էմմա Չոբանյանի
