08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Արցախցիներն Ազատության հրապարակից վրանը կհանեն, կառավարությունը 2 ամսով աջակցությունը կերկարաձգի
29.04.2025 | 19:30
Արցախցիների իրավունքների պաշտպանության խորհուրդը Ազատության հրապարակից կհանի վրանը, այս մասին հրավիրված ասուլիսին հայտարարեց խորհրդի անդամներից Նժդեհ Իսկանդարյանը:
Նրա խոսքով՝ Սամվել Շահրամանյանը պատրաստակամություն է հայտնել՝ արցախցիների իրավունքների պաշտպանության խորհրդին տարածք տրամադրել Արցախի ներկայացուցչության շենքում, և իրենք կշարունակեն այդտեղ աշխատել։
«ՀՀ կառավարությունը ոչ միայն 2 ամսով երկարացնելու է 40 հազար դրամ աջակցությունը, այլ ընդունել են այն պահանջները, որոնք խորհուրդը ներկայացրել է: Մենք ներկայացրել ենք բնակապահովության ծրագրի վերաբերյալ բոլոր կետերը, որոնք բարելավման կարիք ունեն, նրանք ընդունել են դրանք։ Միևնույն ժամանակ, ընդունել են, որ աջակցության այս ծրագրերը չեն գործում»,- փոխանցեց խորհրդի անդամը։
Նժդեհ Իսկանդարյանը նաև հայտնեց, որ առաջիկա 10 օրվա ընթացքում խորհուրդը հանրությանը ներկայացնելու է կատարված աշխատանքը: Ըստ նրա`եթե կարիք լինի երկրորդ հանրահավաքը իրականացնելու, ապա կաշկանդված չեն լինելու դիմել այդ քայլին:
Հիշեցնենք, որ մեկ ամիս առաջ՝ մարտի 29-ին, արցախցիների իրավունքների պաշտպանության խորհուրդը նստացույց էր սկսել և վրան տեղադրել Ազատության հրապարակում։ Նրանք պահանջում էին, որ կառավարությունը չչեղարկի «40+10 000» դրամների աջակցության ծրագիրը: Արցախցիները նաև 12 կետից բաղկացած պահանջներ էին ներկայացրել կառավարությանը:
Մանյա Պողոսյան
