08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Գյումրիում բախվել են փրկարար ծառայության մեքենան և 4 մարդատար․ մեկ քաղաքացի մահացել է
Հասարակություն
29.04.2025 | 12:15
Ապրիլի 29-ին՝ ժամը 10։13-ին, Ճգնաժամային կառավարման ազգային կենտրոն տեղեկություն է ստացվել, որ Շիրակի մարզի Գյումրի քաղաքի Գարեգին Նժդեհի փողոցի թիվ 13 հասցեի մոտակայքում բախվել է 5 տրանսպորտային միջոց՝ «Ford», «Opel», «Gaz», «Mercedes-Benz» և ահազանգով դեպքի վայր մեկնող փրկարար ծառայության ավտոմեքենան։
Ճանապարհատրանսպորտային պատահարի հետևանքով վեց անձ, այդ թվում՝ երեք փրկարարական ծառայող, տեղափոխվել է բժշկական հաստատություններ։
«Ford» մակնիշի ավտոմեքենայի վարորդը, ստացած մարմնական վնասվածքների հետևանքով, մահացել է։
Գյումրու բժշկական կենտրոնից հայտնեցին, որ ՃՏՊ-ի հետևանքով վնասվածքներ ստացած Հ․ Զ․-ի մոտ ախտորոշվել է գանգուղեղային տրավմա, պոլիտրավմա, նա կլինիկական մահով տեղափոխվել է ԲԿ, որտեղ իրականացվել են վերականգնողական միջոցառումներ։
Մ․ Զ․-ն, Հ․ Ս․-ն, Ա․ Մ․-ն և Գ․ Զ․-ն դեռ հետազոտման փուլում են։
