06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ԶԻՆԱՊԱՀ-ի շահառուների հատուցման գումարները 26%-ով բարձրացվել են․ ՏԵՍԱՆՅՈՒԹ
Հասարակություն
29.04.2025 | 12:03
2024 թվականի սկզբին ԶԻՆԱՊԱՀ-ի հոգաբարձուների խորհուրդը վերանայել և ինդեքսավորել է շահառուների հատուցման ամսական գումարները՝ բարձրացնելով այն 26%-ով։ Այս մասին Զինծառայողների ապահովագրության ազգային հիմնադրամի տարեկան մամուլի ասուլիսի ընթացքում ասել է հիմնադրամի հոգաբարձուների խորհրդի նախագահ Իրինա Սեյլանյանը։
«2017 թվականին էր օրենքն ուժի մեջ մտել, դրանից հետո չէր վերանայվել։ Մենք որոշեցինք 26%-ով ինդեքսավորել, և այդ որոշումը ուժի մեջ մտավ 2024 թվականի հունվարին։ Արդյունքում՝ մենք տարեկան 4 մլրդ դրամ ավելի գումար ենք վճարելու մեր շահառուներին»,- ասաց Սեյլանյանը։
ԶԻՆԱՊԱՀ-ի հոգաբարձուների խորհրդի նախագահի խոսքով՝ Հայաստանում պարտադիր դրոշմանիշային վճար վճարողների և նվիրատուների աջակցությամբ հիմնադրամը իր ուժերի շրջանակում շարունակել է բարեփոխումներ իրականացնել՝ ի բարօրություն հիմնադրամի շահառուների։
«Զինապահի գործադիր թիմը, համագործակցելով աշխատանքի և սոցիալական հարցերի նախարարության և պաշտպանության նախարարության հետ, իրականացրել է ԶԻՆԱՊԱՀ-ի գործունեությունը կարգավորող օրենքի մի փոփոխություն, համաձայն որի՝ ԶԻՆԱՊԱՀ-ի երբևէ առաջին կամ երկրորդ խմբի, կամ ֆունկցիոնալության խորը կամ ծանր սահմանափակման աստիճան ունեցող այն շահառուները, ում զինհաշմանդամության խումբը վերանայվել ու փոխվել է, շարունակում են ստանալ ԶԻՆԱՊԱՀ-ի շահառու դառնալու պահին իրենց նշանակված հատուցման գումարը՝ անկախ կարգի փոփոխության»,- ընդգծեց ԶԻՆԱՊԱՀ-ի հոգաբարձուների խորհրդի նախագահը։
Մանրամասները՝ տեսանյութում։
