25.08.2026 | 21:00
ՆԳՆ շրջիկ սպասարկման գրասենյակները ծառայություններ կմատուցեն Լոռու և Արագածոտնի մարզերում
Սյունիքում մահացած զինծառայողին, ըստ ՔԿ-ի, ինքնասպանության են հասցրել
Հասարակություն
28.04.2025 | 15:56
ԱԱԾ սահմանապահ զորքերի ժամկետային զինծառայող Արթուր Ավետիսյանի մահվան դեպքով Քննչական կոմիտեում նախաձեռնվել է քրեական վարույթ՝ Քրեական օրենսգրքի 522-րդ հոդվածի 2-րդ մասի 3-րդ կետի հատկանիշներով: Այս մասին Factor.am-ի հարցմանն ի պատասխան հայտնեցին ՔԿ-ից։ Այս հոդվածը զինծառայողին անզգուշությամբ ինքնասպանության հասցնելն է մարտական հերթապահության կամ մարտական ծառայության ընթացքում։
Սահմանապահ զորքերի զինծառայող Արթուր Ավետիսյանը 19 տարեկան էր, ծառայում էր Սյունիքում։ Արթուրի մահվան մասին ԱԱԾ-ն հայտնեց ապրիլի 25-ին՝ նշելով, որ մահվան պատճառը եղել է «իրեն ամրակցված ինքնաձիգից ստացած հրազենային վնասվածքը»։
Այս ողբերգական դեպքից մեկ օր անց ԱԱԾ-ն նշում էր սահմանապահ զորքերի օրը։ Կազմակերպված միջոցառմանը մասնակցում էր նաև Նիկոլ Փաշինյանը։ Վարչապետը ծավալուն ելույթ ունեցավ, առանձնահատուկ շեշտեց, որ սահմանապահ զինծառայողի օրը համընկել է Քաղաքացու օրվա հետ, սակայն, որևէ բառ չասաց սահմանապահ և ՀՀ քաղաքացի Արթուր Ավետիսյանի մասին։ Նիկոլ Փաշինյանն անգամ չցավակցեց զինծառայողի ընտանիքին։ Ցավակցական խոսքեր չկան նաև ԱԱԾ-ի տարածած հաղորդագրությունում։ Մամուլում տեղեկություններ կան, որ Արթուր Ավետիսյանը Սյունիքի մարզի Աշոտավան համայնքից է։ Երեկ տեղի է ունեցել նրա հուղարկավորության արարողությունը։
Նշենք, որ 2025 թվականի ընթացքում սա արդեն երրորդ դեպքն է, որ ոչ մարտական պայմաններում զինծառայող է մահանում։
Նարեկ Կիրակոսյան
