15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Յուրի Խաչատուրովի ինքնազգացողությունը վատացել է դատական նիստի ժամանակ
Հասարակություն
21.04.2025 | 15:55
ՀԱՊԿ նախկին գլխավոր քարտուղար, 2008 թվականի մարտի 1-ի արյունալի իրադարձությունների ժամանակ Պաշտպանության փոխնախարարի պաշտոնը զբաղեցրած Յուրի Խաչատուրովի ինքնազգացողությունը վատացավ Հակակոռուպցիոն դատարանում ընթացող դատական նիստի ժամանակ։ Մինչ ՀՀ երկրորդ նախագահ Ռոբերտ Քոչարյանի պաշտպան Արամ Օրբելյանը դիրքորոշում էր ներկայացնում մեղադրյալների նկատմամբ քրեական հետապնդում հարուցելու դեմ, Խաչատուրովն առանց որևէ բան ասելու լքեց նիստերի դահլիճը։
Նախագահող դատավոր Սարգիս Պետրոսյանը փորձեց հասկանալ՝ ինչ կատարվեց և ինչու հեռացավ Խաչատուրովը։ Թարգմանիչը դատարանին հայտնեց, որ վերջինս վատ զգաց իրեն. «Գլուխն էր»,- ասաց թարգմանիչը։
Դատավորը 5 րոպե ընդմիջում հայտարարեց։
Հիշեցնենք՝ 2024 թվականի նոյեմբերին Քոչարյանին և նրա ենթականերին նոր մեղադրանք առաջադրվեց. սահմանադրական կարգը տապալելու հոդվածը հակասահմանադրական ճանաչվելուց մի քանի տարի անց՝ ՍԴ նոր որոշման հիման վրա նրանց մեղադրանք առաջադրվեց իշխանական լիազորություններն անցնելու կամ ազդեցությունը չարաշահելու հոդվածի հատկանիշներով։
Ռոզա Վարդանյան
