06.10.2026 | 12:01
Հաքերները Դանիայում հասանելիություն են ստացել 8,8 միլիոն մարդու տվյալներին
Մահացել է Հռոմի Ֆրանցիսկոս պապը
Քաղաքականություն
21.04.2025 | 12:03
Հռոմի Ֆրանցիսկոս պապը մահացել է, հաղորդում է Վատիկանը։
Կաթոլիկ քահանայապետը 88 տարեկան էր։
Հռոմի Ֆրանցիսկոս պապը մահացել է 2025 թվականի ապրիլի 21-ին՝ Վատիկանի իր նստավայրում՝ Կասա Սանտա Մարթայում, փոխանցում է BBC-ն։
«Սիրելի՛ եղբայրներ և քույրեր, խորը ցավով պետք է հայտարարեմ մեր Սուրբ Հայր Ֆրանցիսկոսի մահվան մասին։ Այսօր առավոտյան [տեղական ժամանակով] ժամը 7:35-ին Հռոմի եպիսկոպոս Ֆրանցիսկոսը վերադարձավ Հոր տուն։ Նրա ամբողջ կյանքը նվիրված էր Տիրոջը և Նրա Եկեղեցուն ծառայելուն։ Նա մեզ սովորեցրել է ապրել Ավետարանի արժեքներով՝ հավատարմությամբ, քաջությամբ և համընդհանուր սիրով, հատկապես՝ ի նպաստ ամենաաղքատների և ամենաանպաշտպանների»,- նշել է Նորին Սրբություն կարդինալ Ֆարելը։
Հռոմի եպիսկոպոս և կաթոլիկ եկեղեցու ղեկավար Ֆրանցիսկոսը դարձել էր 2013 թվականին, երբ իր նախորդը՝ Բենեդիկտոս XVI-ը, հրաժարական էր տվել։ Նա նոր աշխարհից ընտրված առաջին Պապն էր․ Ֆրանցիսկոսն Արգենտինայից էր։
Վերջին ամիսներին Ֆրանցիսկոս պապը հիվանդ էր թոքաբորբով, տևական ժամանակ նա հիվանդանոցում էր։ Վերջին անգամ Հռոմի պապը հանրությանը ներկայացել է նախօրեին՝ Սուրբ Հարության տոնի առիթով ուղերձով դիմելով հավատացյալներին։
