16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ունենք ձերբակալություններ․ կոռուպցիոն դրսևորումները մեզ համար անընդունելի են․ Ավինյան․ ՏԵՍԱՆՅՈՒԹ
Հասարակություն
21.04.2025 | 10:19
«Ունենք ձերբակալություններ և լավ առիթ է արձանագրել, որ կոռուպցիոն դրսևորումներն անընդունելի են մեզ համար»,- այս մասին Երևանի քաղաքապետարանի գործակարգավարական խորհրդակցության ժամանակ ասաց Տիգրան Ավինյանը՝ անդրադառնալով նախօրեին Շենգավիթի թաղապետարանի Առևտրի բաժնի երկու աշխատակիցների ձերբակալություններին։
«Էս մակարդակում էլ ինչքա՞ն պետք է էդ գործողությունները կրկնվեն, որ բոլորս հասկանանք էս խաղի կանոնները»,- ասաց Ավինյանը՝ դիմելով Շենգավիթ վարչական շրջանի ղեկավար Ռազմիկ Մկրտչյանին։
Վերջինը նախ շնորհակալություն հայտնեց իրավապահներին, ապա հավելեց, որ ինքը կապ չունի այդ ձերբակալությունների հետ։
«Մի շարք լրատվամիջոցներ տարածեցին լուսանկարներ, որոնք տպավորություն էին ստեղծում, թե, իբր, ինձ են ձերբակալել։ Պետք է նշեմ, որ դեպքը տեղի չի ունեցել վարչական շենքում և ոչ էլ իմ ներկայությամբ։ Եթե չեմ սխալվում՝ մեր աշխատակիցներից մեկն այս պահին տնային կալանքի տակ է։ Նախաքննությունը շարունակվում է։ Կարող եմ վերահաստատել մեր դիրքորոշումը՝ համայնքի բյուջեից անգամ մեկ լումայի գողությունը, մեղմ ասած, սրիկայություն է»,- ասաց Մկրտչյանը։
Ավինյանն էլ հավելեց, որ խնդիրը համակարգային է, քանի որ նման դեպքերը շարունակաբար կրկնվում են։
Մանրամասները՝ տեսանյութում։
