12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Բաքվում շինծու գործերով հերթական նիստում ցուցադրվել է Սերժ Սարգսյանի հարցազրույցը
Քաղաքականություն
18.04.2025 | 22:34
Բաքվի զինվորական դատարանում այսօր տեղի է ունեցել Արցախի ղեկավարների և այլ պաշտոնյաների շինծու գործերով հերթական դատական նիստը։ Ադրբեջանական լրատվամիջոցների հաղորդմամբ՝ այսպես կոչված, «տուժողները» ցուցմունքներ են տվել և պատասխանել պետական մեղադրանքը պաշտպանող դատախազների, «տուժողների» ներկայացուցիչների և փաստաբանների հարցերին։
Այսօրվա դատական նիստում քննարկման առարկա են եղել, այսպես կոչված, «Խոջալուի ցեղասպանության» վերաբերյալ ադրբեջանական թեզերը։
Դատարանը դիտարկել է 1992 թվականի փետրվարի 25-ի լույս 26-ի գիշերը տեղի ունեցած իրադարձությունների վերաբերյալ քննչական գործողությունների «համապատասխան արձանագրությունները»։ Ցուցադրվել են, իբր, «Խոջալուի ցեղասպանությանը վերաբերող կադրեր»։
Ցուցադրվել է նաև ՀՀ նախկին նախագահ Սերժ Սարգսյանի՝ բրիտանացի լրագրող Թոմաս դե Վաալին տված հարցազրույցը։
Հաջորդ դատական նիստը նշանակվել է ապրիլի 21-ին։
Թարգմանությունը՝ Էմմա Չոբանյանի
