11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
ԱՄՆ-ը կհրաժարվի ուկրաինական խաղաղության ջանքերից, եթե առաջընթաց չլինի. Ռուբիո
Քաղաքականություն
18.04.2025 | 13:29
Միացյալ Նահանգների նախագահ Դոնալդ Թրամփը մի քանի օրում կհեռանա Ռուսաստանի և Ուկրաինայի միջև խաղաղ համաձայնագրի կնքման ջանքերից, եթե հստակ նշաններ չլինեն, որ գործարքը հնարավոր է կնքել, հայտարարել է ԱՄՆ պետքարտուղար Մարկո Ռուբիոն:
«Մենք չենք պատրաստվում շարունակել այս ջանքերը շաբաթներով և ամիսներով: Այսպիսով, մենք պետք է շատ արագ որոշենք հիմա, և ես խոսում եմ մի քանի օրերի մասին, դա հնարավո՞ր է, թե՞ ոչ առաջիկա մի քանի շաբաթների ընթացքում», – ըստ Reuters-ի, նշել է Ռուբիոն` Փարիզում Եվրոպայի և Ուկրաինայի իշխանության ներկայացուցիչների հետ հանդիպումից հետո:
Հիշեցնենք, որ Փարիզում նախօրեին անցկացվեցին ԱՄՆ-ի, Եվրոպայի և Ուկրաինայի բանակցությունները։ Վաշինգտոնը հայտարարել էր, որ փարիզյան բանակցություններում ներկայացրել է Ուկրաինայում «կայուն և երկարատև խաղաղության ուրվագծերը»։ Կիևը կայացած հանդիպումը որակել է` «կառուցողական և դրական»։
Ամերիկյան կողմից Փարիզ էին ժամանել պետքարտուղար Մարկո Ռուբիոն, Դոնալդ Թրամփի Ուկրաինայի հարցերով հատուկ ներկայացուցիչ Քիթ Քելլոգը և հատուկ բանագնաց Սթիվեն Ուիթքոֆը։
Քիթ Քելլոգը X սոցիալական ցանցում հրապարակել է լուսանկար Ումերովի և Երմակի հետ և հանդիպումներն անվանել է` «բավական արդյունավետ»։ ԱՄՆ Պետդեպարտամենտի ներկայացուցիչ Թեմի Բրյուսը հայտարարել է, որ Վաշինգտոնը բոլոր կողմերին ներկայացրել է «ամուր և երկարատև խաղաղության ուրվագծեր»՝ առանց մանրամասների։
