12.01.2026 | 11:21
Իրանում ինտերնետը վերականգնելու համար Թրամփը կխոսի Իլոն Մասկի հետ
Պարեկը փորձել է «փրկել» հոր՝ ոչ սթափ վիճակում մեքենա վարող ընկերոջը և հայտնվել է մեղադրյալի աթոռին
Հասարակություն
16.04.2025 | 12:45
Պարեկային ծառայության Երևան քաղաքի գնդի 2-րդ գումարտակի հրամանատար Արամ Դադոյանի ու ևս երկու պարեկի նկատմամբ քրեական վարույթ է նախաձեռնվել։ Այս մասին հայտնում են իրավապահ համակարգում Factor TV-ի աղբյուրները։
Վարույթը քննվում է Հակակոռուպցիոն կոմիտեում։ Ըստ գործի՝ Արամ Դադոյանի հոր ընկերը, ոչ սթափ վիճակում և մեկ տարի ժամկետով զրկված լինելով վարորդական իրավունքից, մեքենա է վարել, ինչը հայտնաբերվել է պարեկների կողմից։ Արամ Դադոյանը, ըստ մեղադրանքի, երկու պարեկի ասել է, որ չտուգանեն հոր ընկերոջը, վերջիններս էլ արձանագրություն չեն կազմել։
Դեպքը բացահայտել է Հակակոռուպցիոն կոմիտեն և Դադոյանին ու երկու պարեկներին մեղադրանք ներկայացրել։ Արամ Դադոյանը մեղադրվում է պաշտոնեական լիազորությունները չարաշահելուն դրդրելու, իսկ երկու պարեկները՝ պաշտոնեական լիազորությունները չարաշահելու համար։ Հակակոռուպցիոն կոմիտեից մեզ դեպքի վերաբերյալ մանրամասներ չհայտնեցին, հաստատեցին քրեական վարույթի առկայությունը, դրա շրջանակներում երեք անձի՝ մեղադրյալի կարգավիճակ ունենալու հանգամանքը։ Նշեցին նաև, որ պարեկներից մեկի նկատմամբ խափանման միջոց է ընտրվել տնային կալանքը և պաշտոնավարման կասեցումը, ևս մեկի նկատմամբ՝ տնային կալանքը, իսկ երրորդի նկատմամբ՝ բացակայելու արգելքը։
Իրավապահ համակարգում Factor TV-ի աղբյուրների փոխանցմամբ՝ Դադոյանի նկատմամբ է խափանման միջոց ընտրվել տնային կալանքը և պաշտոնավարման կասեցումը։
Արաքս Մամուլյան
