01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
Կառավարությունը ևս երկու ամսով 40 հազար դրամ աջակցություն կտա արցախցիներին․ խորհրդի անդամ․ ՏԵՍԱՆՅՈՒԹ
Հասարակություն
15.04.2025 | 17:55
Կառավարությունը պատրաստ է ևս երկու ամսով երկարաձգել արցախցիներին տրվող աջակցությունը, սակայն ոչ թե 50, այլ 40 հազար դրամ կտրամադրվի՝ փոխվարչապետ Տիգրան Խաչատրյանի հետ հանդիպումից հետո հայտարարել է Արցախիցիների իրավունքների պաշտպանության խորհուրդի անդամ Նժդեհ Իսկանդարյանը: Նրա խոսքով՝ զուգահեռ պատրաստ են ձևավորել մասնագիտական խմբեր:
«Կքննարկենք սոցիալական, բնակարանային ծրագրերի վերաբերյալ բոլոր հարցերը: Ընդունել են, որ ձախողել են ծրագիրը, փաստերը ներկայացրել ենք թվերի տեսքով: Պատմամշակութային ժառանգության մասով, որը ևս արտաքին քաղաքականության վեկտոր է պահանջում, ևս իրենք պատրաստ են քննարկել»,- ասել է Իսկանդարյանը:
Նա նշել է, որ կառավարությունը չի ընդունել խորհրդի՝ արցախցիներին տրվող աջակցության ծրագրերին ավելի երկարաժամկետ լուծումներ տալու առաջարկը։ Խորհրդից հայտնում են, որ փոխվարչապետի հետ հանդիպման արդյունքների վերաբերյալ քննարկումներ կունենան նախ արցախցիների հետ, ապա հանդես կգան հետագա անելիքների մասին հայտարարությամբ։
Մանրամասները՝ տեսանյութում։
