05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Հայաստանի և Իրանի հատուկ նշանակության ուժերի համատեղ զորավարժությունները հաջողությամբ ավարտվել են․ ՏԵՍԱՆՅՈՒԹ
Քաղաքականություն
11.04.2025 | 11:29
Ապրիլի 9-10-ը ՀՀ զինված ուժերի և Իրանի Իսլամական Հանրապետության զինված ուժերի հատուկ նշանակության ստորաբաժանումների համատեղ զորավարժությունները հաջողությամբ ավարտվել են։ Այս մասին հայտնում են իրանական լրատվամիջոցները, որոնք նաև կադրեր են հրապարակել զորավարժություններից։
Հաղորդվում է, որ սահմանային անվտանգությունն ամրապնդելու նպատակով անցկացված վարժանքների ընթացքում օգտագործվել են թեթև և ծանր տարբեր զինատեսակներ, գնահատվել են հատուկ նշանակության ջոկատի դիպուկահարների հմտությունները։ Երկու օր տևած զորավարժությունների շրջանակում, որոնք տեղի են ունեցել իրանական կողմում՝ Արևելյան Ադրբեջան նահանգի Նորդուզի սահմանային գոտում, իրականացվել են քանդման գործողություններ, պայթյուններ և կրակի օժանդակում:
Հավելենք, որ ՀՀ ԶՈՒ ստորաբաժանումը զորավարժությունն անցկացրել է Հայաստանի տարածքում, ԻԻՀ ԶՈՒ ստորաբաժանումը՝ Իրանի տարածքում:
Թարգմանությունը՝ Էմմա Չոբանյանի
