07.06.2026 | 13:26
Էդմոն Մարուքյանը քվեարկում է ԱԺ ընտրություններում. ՈՒՂԻՂ
Քասախի բնակիչները հանդիպում են Կոտայքի մարզպետի հետ
Հասարակություն
10.04.2025 | 13:36
Այս պահին Քասախ վարչական շրջանի շենքում բնակիչները հանդիպում են Կոտայքի մարզպետ Ահարոն Սահակյանի, ՏԿԵ նախարարության տրանսպորտի բաժնի վարչության պետ Պապին Գալստյանի և «Մուլտի տրանսպորտ» ընկերության ներկայացուցիչի հետ` քննարկելու համայնքի տրանսպորտի հարցը: Քննարկումը փակ ձևաչափով է, լրատվամիջոցներին թույլ չեն տալիս այն ուղիղ հեռարձակել: Այս մասին տեղից հայտնում է Factor.am-ի թղթակիցը:
Նշենք, որ վաղ առավոտից քասախցիները փակել էին Երևան- Աշտարակ ճանապարհը: Նրանք, սակայն բացեցին ճանապարհը, երբ պաշտոնյաները համայնք ժամանեցին: Քասախցիները պահանջում են, որ որպեսզի չհանվի ավտոբուսային համար 59 երթուղին։
Հիշեցնենք, որ երեկ Պռոշյան և Քասախ համայնքի բնակիչները կառավարությունում հանդիպել էին պատկան մարմինների ներկայացուցիչների հետ։ Հանդիպման արդյունքում Պռոշյանի տրանսպորտի հարցը մասամբ լուծվել է՝ համար 25 երթուղին շրջադարձ կանի ՊՆ նախկին շենքի մոտից, իսկ Քասախը սպասարկող համար 59 երթուղին հանվում է։ Ապրիլի 5-ից Պռոշյանի և Քասախի բնակիչները պարբերաբար փակում են Երևան-Աշտարակ ճանապարհը՝ պահանջելով լուծել տրանսպորտի հարցը։
Մանյա Պողոսյան
