07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Վրաստան-Հայաստան հանդիպմանը միջադեպի համար ՈՒԵՖԱ-ն տուգանել է Վրաստանի ֆուտբոլի ֆեդերացիային
09.04.2025 | 23:01
Այսօր ՈՒԵՖԱ-ի կարգապահական կոմիտեն վերջնական որոշում է կայացրել Հայաստանի հետ խաղում տեղի ունեցած միջադեպի կապակցությամբ։ Այս մասին տեղեկացնում է «Грузия онлайн»-ը։
ՈՒԵՖԱ- ի որոշման համաձայն՝ Վրաստանի ֆուտբոլի ֆեդերացիան տուգանվել է 40 հազար եվրոյով երկրպագուների խաղադաշտ դուրս գալու, լազերային լուսավորության և հրատեխնիկայի օգտագործման, ինչպես նաև ելքերը արգելափակելու համար, իսկ Վրաստանի հավաքականը մեկ տնային հանդիպում կանցկացնի առանց հանդիսատեսի, նշել է Վրաստանի ֆուտբոլի ֆեդերացիան:
Տվյալ որակազրկումը չի տարածվի աշխարհի առաջնության ընտրական խաղերի վրա և կվերաբերի Ազգերի լիգայի շրջանակներում անցկացվող խաղերին:
Հիշեցնենք՝ ՈՒԵՖԱ-ի Ազգերի լիգայի անցումային խաղերի պատասխան հանդիպմանը Հայաստանի ֆուտբոլի ազգային ընտրանին հյուրընկալվեց Վրաստանի հավաքականին` զիջելով 6:1 հաշվով: Խաղի ավարտից հետո վրացի երկրպագուների մի խումբ մտել են խաղադաշտ` վազել դեպի հայ երկրպագուների սեկցիա ու պլաստիկե ու մետաղական տարաներ նետել նրանց ուղղությամբ:
