25.08.2026 | 20:00
«Թուրքական ռազմաբազա Գյումրիո՞ւմ»․ կեղծ տեսանյութի տարածման հետքերով. ՏԵՍԱՆՅՈՒԹ
Վերա Աղասյանի դին Հայաստանի Հանրապետություն տեղափոխելու հարցը գտնվում է քննարկման փուլում․ ԱԱԾ
Հասարակություն
09.04.2025 | 17:53
Արցախի Հանրապետության բնակիչ Վերա Աղասյանի դին Հայաստանի Հանրապետություն տեղափոխելու հարցը գտնվում է քննարկման փուլում, այս մասին Factor.am-ի գրավոր հարցմանն ի պատասխան տեղեկացրել են Ազգային անվտանգության ծառայությունից՝ այլ մանրամասներ չհայտնելով։
Հիշեցնենք՝ օրեր առաջ Ադրբեջանի առողջապահության նախարարության դատաբժշկական փորձաքննության և ախտաբանական անատոմիայի ասոցիացիայի գլխավոր տնօրեն Ադալաթ Հասանովը հայտարարել էր, եթե Հայաստանը չընդունի Վերա Աղասյանի մարմինը, ճակատագիրը կորոշեն Ադրբեջանի համապատասխան պետական մարմինները։ Ադրբեջանցի պաշտոնյան նույնն ասել էր նաև մարտին՝ հայտարարելով, որ հայկական պատվիրակությունն արդեն 5 ամիս է՝ չի արձագանքում հայ կնոջ՝ Վերա Աղասյանի դին հանձնելու հարցին։ Նա նշել էր, որ դիմել են հայկական կողմին և Կարմիր խաչի միջազգային կոմիտեի միջոցով անցած տարի հոկտեմբերի 20-ին Ստեփանակերտում մահացած Վերա Աղասյանի զավակներին տեղեկացրել են նրա մահվան մասին։
Մանյա Պողոսյան
