04.06.2026 | 11:47
Կառավարությունը հաստատեց փոխհատուցման նախագիծը. 4250 տոննա բանջարեղեն և ելակ, 10 մլն ծաղիկ հունիսին կարտահանվի․ ՏԵՍԱՆՅՈՒԹ
Թուրքիայում Միրզոյան-Բայրամով և Միրզոյան-Լավրով հանդիպումներ նախատեսվա՞ծ են․ ԱԳՆ-ի պարզաբանումը
Քաղաքականություն
09.04.2025 | 16:11
ԱԳՆ-ի տարածած հաղորդագրությունում նշվում է, որ ՀՀ ԱԳ նախարար Արարատ Միրզոյանի՝ Թուրքիա աշխատանքային այցի շրջանակում ծրագրվում են երկկողմ հանդիպումներ, սակայն գերատեսչությունից չեն հստակեցնում՝ արդյո՞ք նախատեսված են Միրզոյան-Բայրամով և Միրզոյան-Լավրով հանդիպումներ։
Factor.am-ն այս հարցով պարզաբանում խնդրեց, սակայն ԱԳՆ-ից միայն պատասխանեցին, որ երկկողմ հանդիպումներ լինելու պարագայում այդ մասին կտեղեկացնեն։
Ավելի վաղ ԱԳՆ-ից հայտնել էին, որ ապրիլի 11-12-ին ՀՀ արտաքին գործերի նախարար Արարատ Միրզոյանը կմասնակցի Անթալիայի դիվանագիտական ֆորումին։ Հայտարարության մեջ նաև ասվում է, որ աշխատանքային այցի շրջանակներում ծրագրված են նաև երկկողմ հանդիպումներ: Հայտնի է, որ Անթալիայի դիվանագիտական 4-րդ ֆորումին մասնակցելու են նաև Ադրբեջանի ԱԳ նախարար Ջեյհուն Բայրամովը և ՌԴ ԱԳ նախարար Սերգեյ Լավրովը։
Հիշեցնենք, որ նախորդ տարի Արարատ Միրզոյանը նույնպես մասնակցել էր Անթալիայի դիվանագիտական ֆորումին։
Մանյա Պողոսյան
