02.08.2026 | 16:34
Փրկարարները Սևանա լճից քաղաքացու դի են դուրս բերել
«Մակարով» և թմբուկավոր ատրճանակների հայտնաբերումներ․ քրեական և համայնքային ոստիկանների բացահայտումները
Հասարակություն
09.04.2025 | 13:20
Քրեական ոստիկանության Երևան քաղաքի վարչության ընդհանուր բնույթի հանցագործությունների դեմ պայքարի բաժնի ծառայողները ապրիլի 5-ի կեսօրին մայրաքաղաքի Մարգարյան փողոցում ձերբակալել և վարչություն են տեղափոխել 35-ամյա մի տղամարդու․ տեղեկացնում են ՆԳՆ ոստիկանությունից։
Ապօրինի զենք-զինամթերք և թմրանյութ պահելու կասկածանքը հիմնավորվել է նրա խուզարկությամբ։ Հայտնաբերվել են 6 փամփուշտով լիցքավորված թմբուկավոր մարտական ատրճանակ, ծալովի դանակ, նաև մարիխուանայի նմանվող զանգված:
Ապօրինի պահվող հրազեն հայտնաբերել են նաև Համայնքային ոստիկանության Մալաթիայի բաժնի ծառայողները։
Ապրիլի 6-ի լուսաբացին նրանք մայրաքաղաքի Շիրակի փողոցում ձերբակալել և բաժին են տեղափոխել 28-ամյա մի երիտասարդի։
Նրա խուզարկությամբ հայտնաբերվել է «Մակարով» ատրճանակ:
Երկու դեպքով էլ կազմված փաստաթղթերն ու ձերբակալվածները ներկայացվել են նախաքննական մարմին։
Հանգամանքերը պարզվում են։
