06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Բաքվում շինծու գործերով նիստում հարցաքննվել է Դավիթ Բաբայանը
Քաղաքականություն
07.04.2025 | 21:54
Բաքվի զինվորական դատարանում, դատավոր Զեյնալ Աղաևի նախագահությամբ, այսօր տեղի է ունեցել Արցախի ղեկավարների և պաշտոնյաների՝ շուրջ 15 անձի նկատմամբ հարուցված շինծու գործերով հերթական դատական նիստը։ Ադրբեջանական լրատվամիջոցների հաղորդմամբ՝ հարցաքննվել է Արցախի ԱԳ նախկին նախարար Դավիթ Բաբայանը։
Ադրբեջանի գլխավոր դատախազի օգնական Թուգայ Ռահիմլիի հարցերին ի պատասխան՝ նա հաստատել է, որ տարբեր պատասխանատու պաշտոններ է զբաղեցրել Արցախում, եղել է նախագահի խորհրդական և արտաքին գործերի նախարար։
Պատասխանելով Արցախի նախկին պետնախարար Ռուբեն Վարդանյանի հետ իր հարաբերությունների վերաբերյալ հարցերին՝ Բաբայանը նշել է, որ նրան ճանաչում է 2007-2008 թվականներին, որ հետագայում իրենց մոտ գործնական հարաբերություններ են ձևավորել, և որ Ռուբեն Վարդանյանը հայկական սփյուռքի կարևոր դեմքերից է։
Մյուս գերիներից հարցաքննվել է Գարիկ Մարտիրոսյանը։ Նա նշել է, որ 1993 թվականին միացել է հայկական բանակին։ Պատասխանելով պետական դատախազ Ֆուադ Մուսաևի հարցերին՝ նա ասել է, որ 44-օրյա պատերազմի ժամանակ մասնակցել է Ասկերանի մարտերին և գտնվել է գյուղի շրջակայքում տեղակայված դիրքերում։
Հաջորդ դատական նիստը նշանակվել է ապրիլի 10-ին։
Թարգմանությունը՝ Էմմա Չոբանյանի
