06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ստամբուլի ընդդիմադիր քաղաքապետի փաստաբանները նրա կալանավորման դեմ բողոք են ներկայացրել
Քաղաքականություն
07.04.2025 | 18:31
Ստամբուլի ընդդիմադիր քաղաքապետ, Ժողովրդահանրապետական կուսակցությունից (CHP) երկրի նախագահի թեկնածու Էքրեմ Իմամօղլուի կալանավորման դեմ նրա փաստաբաննները բողոք են ներկայացրել, գրում են թուրքական լրատվամիջոցները։
Իմամօղլուի փաստաբանների կողմից Ստամբուլի 10-րդ քրեական դատարան ներկայացված առարկության մեջ նշվում է, որ որպես ձերբակալության պատճառ բերված «փախուստի կասկածը» չի համապատասխանում իրականությանը։
«Այդ անձն առաջին ընտրություններում Թուրքիայի նախագահի ամենաուժեղ թեկնածուն է՝ ներկայացնելով Ստամբուլում բնակվող 16 միլիոն մարդու։ Այս եզրակացությունը, որին նույնիսկ ինքը՝ հեղինակը չի հավատում, ինքնին ապացուցում է մեր բոլոր այն պնդումները, որ քննությունն իրականացվել է ոչ թե իրավական նորմերին համապատասխան, այլ քաղաքական դրդապատճառներով՝ իրենց անկախությունն ու անաչառությունը կորցրած դատավորների ու դատախազների կողմից»,-ասվում է 4 փաստաբանների հայտարարության մեջ։
Հիշեցնենք, որ Իմամօղլուն ձերբակալվել էր մարտի 19-ին, օրեր անց՝ կալանավորվել։ Նրա բանտարկությունը Թուրքիայում հանգրեցրել է զանգվածային բողոքի ցույցերի։
Թարգմանությունը՝ Էմմա Չոբանյանի
