25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Բաքվում Ռուբեն Վարդանյանի շինծու գործով դատական նիստին «տուժողներ» են ցուցմունք տվել
Քաղաքականություն
01.04.2025 | 21:07
Բաքվի զինվորական դատարանում, դատավոր Զեյնալ Աղաևի նախագահությամբ, այսօր տեղի է ունեցել Արցախի նախկին պետնախարար Ռուբեն Վարդանյանի շինծու գործերով հերթական դատական նիստը։
Ադրբեջանական լրատվամիջոցների հաղորդմամբ՝ այսօրվա դատական նիստին ցուցմունք են տվել «տուժող», այդ թվում՝ Ադրբեջանի ՊՆ Քարվաճառի շրջանի «N» զորամասի թիկունքի պետ Սոհբաթ Շուքուրովը, ՊՆ «N» զորամասի բուժակ Սամիր Յուսիֆովը։
Շուրջ երկու տասնյակից ավելի «տուժողներն» ասել են, թե Ռուբեն Վարդանյանին ճանաչում են լրատվամիջոցների հրապարակումներից և սոցիալական ցանցերից, սակայն անձնապես ծանոթ չեն նրան։
Հաջորդ դատական նիստը նշանակվել է ապրիլի 8-ին:
Թարգմանությունը՝ Էմմա Չոբանյանի
