14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Փարաքարում «Միասնություն» դաշինքի ներկայացուցիչները տուգանվել են
Քաղաքականություն
01.04.2025 | 11:15
Մարտի 30-ին Փարաքար համայնքում արտահերթ ընտրություններից հետո հրավառություն է տեղի ունեցել։ Համացանցում տարածված տեսանյութից պարզ է դառնում, որ հրավառությունը տեղի է ունեցել ընտրություններից հետո հաղթանակած «Միասնություն» դաշինքի համայնքապետի թեկնածու Վալոդյա Գրիգորյանի բնակավայրում։
ՆԳՆ լրատվության ծառայությունից Factor.am-ին փոխանցեցին, որ մարտի 31-ին ժամը 00։30-ի սահմաններում Մերձավան բնակավայրում հրավառություն կազմակերպելու համար՝ Համայնքային ոստիկանության Վաղարշապատի բաժնի ծառայողների կողմից, «Վարչական իրավախախտումների վերաբերյալ» ՀՀ օրենսգրքի 180 հոդվածի 2-րդ մասով նախատեսված արարքի համար, արձանագրություն է կազմվել է։
Հոդվածը վերաբերում է գիշերային ժամանակ հրագործական արտադրատեսակներ օգտագործելը, որը առաջացնում է տուգանքի նշանակում` սահմանված նվազագույն աշխատավարձի հարյուրապատիկի չափով:
Անի Թամրազյան
