27.02.2026 | 12:00
Աննա Հակոբյանը հեռանում է կառավարական առանձնատնից // Զինվորի մահվան դեպքով ձերբակալված կա. ԼՈՒՐԵՐ
Ձերբակալվել են «Մեր քաղաքը» դաշինքի ավագանու թեկնածուն և այլ անձինք. ՀԿԿ-ն հայտնում է պատճառը
Հասարակություն
30.03.2025 | 17:06
Մոտ մեկ ժամ առաջ Գյումրիի ՏԻՄ ընտրություններին մասնակցող «Մեր քաղաքը» դաշինքը հաղորդագրություն էր տարածել, որ համայնքի ղեկավարի թեկնածու Մարտուն Գրիգորյանի թիմակցին առևանգել են։
«Քաղաքացիական հագուստով անհայտ անձինք բռնի ուժով առևանգել են մեր ավագանու անդամության թեկնածու Անահիտ Խալաթյանին։ Ըստ ականատեսների՝ նրա հետ եղել է ևս մի կին։ Այս պահին չենք տիրապետում որևէ տեղեկատվության։ Դիմում ենք իրավապահ մարմիններին»,- ասվում էր դաշինքի հաղորդագրությունում։
Factor TV-ի հարցմանն ի պատասխան՝ Հակակոռուպցիոն կոմիտեից հայտնեցին, որ ավագանու թեկնածուն և մի շարք այլ անձինք ձերբակալվել են կոմիտեի աշխատակիցների կողմից` հանցանք կատարելու անմիջականորեն ծագած կասկածի հիմքով:
Տեղեկություններ են տարածվում, որ Խալաթյանը և ձերբակալված մյուս անձինք ընտրակաշառք են առաջարկել և բաժանել։
