19.02.2026 | 11:25
Ժաննա Անդրեասյանը գրքեր նվիրեց կառավարության անդամներին․ ՏԵՍԱՆՅՈՒԹ
Ադրբեջանում Իրանի օգտին լրտեսության մեջ մեղադրվողներին 15 տարվա ազատազրկման են դատապարտել
Քաղաքականություն
28.03.2025 | 18:38
Ադրբեջանում ավարտվել է Իրանի օգտին պետական դավաճանության մեջ մեղադրվող Արիֆ Ռասուլովի և Էլնուր Ռասուլովի դատավարությունը։ Ադրբեջանական լրատվամիջոցների հաղորդմամբ՝ դատարանի որոշմամբ՝ երկու ամբաստանյալներն էլ մեղավոր են ճանաչվել և դատապարտվել 15 տարվա ազատազրկման՝ խիստ ռեժիմի գաղութում։
Հաղորդվում է, որ 2022 թվականի նոյեմբերին Ադրբեջանի Պետական անվտանգության ծառայության (ՊԱԾ) կողմից իրականացված համալիր օպերատիվ-հետախուզական միջոցառումների արդյունքում բացահայտվել էր Իրանի հատուկ ծառայությունների կողմից ստեղծված լրտեսական ցանց։
Նշվել էր, թե 2018 թվականին Էլնուր Ռասուլովն Իրանում բուժման ընթացքում գաղտնի համագործակցության մասին պայմանավորվել է այդ երկրի հատուկ ծառայությունների ներկայացուցիչների հետ, որոնք ներկայացել են «Մեյսե» և «Բժիշկ» անուններով։
Նա ուղղակիորեն, ապա իր ազգական Արիֆ Ռասուլովի միջոցով, որին ներգրավել է գաղտնի համագործակցության մեջ, տարբեր վճարների դիմաց առաջադրանքներ է կատարել իրանական հատուկ ծառայությունների համար, մասնավորապես, WhatsApp-ի միջոցով ուղարկել է Բաքվի Գարադաղի շրջանի նավթամուղերի և գազատարների անցման տարածքների լուսանկարներն ու տեսանյութերը, ՊՆ-ին և Պետական սահմանային ծառայությանը պատկանող անօդաչու թռչող սարքերի, տանկերի և զինտեխնիկայի, Բաքվում Texnofest ավիացիոն, տիեզերական և տեխնոլոգիական փառատոնին ներկայացված սարքավորումների, Բաքվի տարբերում շրջաններում տեղակայված զենիթահրթիռային ու այլ համակարգերը։
Նրանց մեղադրանք էր առաջադրվել Քրեական օրենսգրքի 274 հոդվածով (պետական դավաճանություն):
Թարգմանությունը՝ Էմմա Չոբանյանի
