Ավելի քան 50 մլն ՀՀ դրամ հափշտակելու համար մեղադրվող մանկապարտեզի տնօրենի ու նրան օժանդակած 4 անձանց վերաբերյալ նախաքննությունն ավարտվել է

Լուրեր

09.05.2025 | 17:55
Հռոմի պապի օծման պաշտոնական արարողությունը տեղի կունենա մայիսի 18-ին
09.05.2025 | 17:47
Հրդեհ՝ «Ռիո Մոլ» առևտրաժամանցային կենտրոնում. դեպքի վայր է մեկնել 6 մարտական հաշվարկ, 1 ավտոսանդուղք
09.05.2025 | 17:34
Բաքվում պահվող լիբանանահայ գերի Վիգեն Էուլջեքչյանը 15 օրից ավելի հացադուլի մեջ է եղել
09.05.2025 | 17:25
Փաշինյանը հանդիպել է վետերաններին և շնորհավորել տոնական օրվա առիթով
09.05.2025 | 17:12
Եվրոպայի օրը` Երևանում. ՈՒՂԻՂ
09.05.2025 | 17:10
Քննարկվել է Իրանի Շիրազ քաղաքը և ՀՀ քաղաքներից որևէ մեկը քույր քաղաքներ հռչակելու հնարավորությունը
09.05.2025 | 16:55
Փաշինյանը մոսկովյան շքերթից կադրեր է հրապարակել
09.05.2025 | 16:42
Հրդեհ՝ բեռնատարի բեռնախցիկում. այրվել է խոհանոցային պարագաներով մոտ 100 արկղ
09.05.2025 | 16:36
Կիևը հայտնում է հունգարական լրտեսական ցանցի բացահայտման մասին. Հունգարիայի ԱԳՆ-ն արձագանքել է
09.05.2025 | 16:27
Հայաստանում առաջիկա օրերին սպասվում է կարճատև անձրև և ամպրոպ
09.05.2025 | 16:12
Ամերիկացի առաջին Հռոմը պապը, որը քննադատում է ԱՄՆ փոխնախագահ Վենսին․ ինչ է հայտնի կաթոլիկ եկեղեցու նոր առաջնորդի մասին
09.05.2025 | 16:01
Պապոյանն այցելել է Արարատի մարզ՝ տեղում ծանոթանալու կարկուտի հետևանքով տեղի բնակիչների կրած վնասներին
09.05.2025 | 15:47
ԵՄ դիվանագիտության ղեկավարն ու 35 երկրի պատվիրակություններ ուկրաինական Լվովում են
09.05.2025 | 15:36
Ալիևը կնոջ հետ այցելել է Շուշի, նաև Քարին տակ գյուղում մզկիթ բացել
09.05.2025 | 15:25
2-ամյա Տիգրանին շարունակում են փնտրել․ այսօր նրա ծննդյան օրն է
Բոլորը

ՀՀ հակակոռուպցիոն կոմիտեում քննված քրեական վարույթով պարզվել է, որ 2021-2023 թթ. ընթացքում Երևանում գործող մանկապարտեզներից մեկի տնօրենի պաշտոնը զբաղեցրած անձը, օգտագործելով ծառայողական լիազորությունները, պաշտոնեական կեղծիք կատարելով հափշտակել է իրեն վստահված առանձնապես խոշոր չափերով դրամական միջոցները․ տեղեկացնում են ՀՀ հակակոռուպցիոն կոմիտեից։

Նախաքննությամբ հիմնավորվել է, որ հիշյալ տնօրենը վերը նշված ժամանակահատվածում, իր մտերիմներին ու բարեկամներին մանկապարտեզում նշանակելով տարբեր, այդ թվում՝ նույն անձանց միաժամանակ մի քանի հաստիքների, ինքն է ստացել ու տնօրինել նրանց վճարված աշխատավարձերը: Ընդ որում՝ նշանակված անձանցից ոմանք ընդհանրապես չեն հաճախել աշխատանքի, սակայն տնօրենը համապատասխան փաստաթղթերում կատարել է վերջիններիս կողմից աշխատանքի ներկայանալու վերաբերյալ կեղծ գրառումներ, որոնց հիման վրա հաշվարկված ու փոխանցված աշխատավարձերը տնօրինել է անձամբ:

Բացի այդ, պարզվել է, որ տնօրենը 2021-2023 թթ. ընթացքում մանկապարտեզի համար հատկացված ավելի քան 2 մլն ՀՀ դրամի ավտոբենզինը օգտագործել է սեփական կարիքների համար:

Ընդհանուր առմամբ՝ վերը նշված ժամանակահատվածում մանկապարտեզի տնօրենի կողմից հափշտակվել է 50,6 մլն ՀՀ դրամ:

Առանձնապես խոշոր չափերով հափշտակության և պաշտոնեական կեղծիք կատարելու համար տնօրենին մեղադրանք է ներկայացվել ՀՀ քրեական օրենսգրքի 445-րդ հոդվածի 1-ին մասով և 256-րդ հոդվածի 3-րդ մասի 3-րդ կետով: Նրա նկատմամբ որպես համակցված խափանման միջոցներ են կիրառվել տնային կալանքը, գրավը և բացակայելու արգելքը: Մեղադրանքներ են ներկայացվել նաև տնօրենին օժանդակած 4 անձի: Նրան օժանդակած ևս 16 անձի նկատմամբ քրեական հետապնդում չիրականացնելու և քրեական հետապնդումը դադարեցնելու որոշումներ են կայացվել ոչ արդարացնող հիմքով:
Պետությանը պատճառված վնասից նախաքննության ընթացքում վերականգնվել է 9 մլն ՀՀ դրամը, իսկ վնասի մնացած մասի չափով արգելանք է դրվել տնօրենին պատկանող անշարժ գույքերի վրա: Քրեական վարույթով նախաքննությունն ավարտվել է: Դատախազի կողմից հաստատվել է մեղադրական եզրակացությունը, և վարույթի նյութերն ուղարկվել են ՀՀ հակակոռուպցիոն դատարան:

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: