06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Կրակոցներ` Հաղարծին գյուղում. 2 անձ տեղափոխվել է «Դիլիջան» ԲԿ
Հասարակություն
28.03.2025 | 11:23
Factor.am-ի տեղեկություններով` կեսգիշերն անց Տավուշի մարզի Դիլիջան խոշորացված համայնքի Հաղարծին գյուղի չգործող հացատան տարածքում կրակոցներ են հնչել։ ՆԳՆ ոստիկանությունից հայտնեցին, որ 2 անձ հրազենային վնասվածքներով տեղափոխվել է «Դիլիջան» ԲԿ:
«Նախնական տվյալներով նրանց կյանքին վտանգ չի սպառնում: Փաստաթղթերն ուղարկվել են Քննչական կոմիտե», – Factor.am-ին հայտնեց ՆԳՆ ոստիկանության հասարակայնության հետ կապերի և լրատվության վարչության պետ Զարզանդ Գաբրիելյանը։
Քննչական կոմիտեի մամուլի քարտուղար Կիմա Ավդալյանը փոխանցեց, որ հաղորդման հիման վրա սպանություն հատկանիշներով նախաձեռնվել է քրեական վարույթ։ Ըստ ՔԿ-ի` նույն դեպքով վարույթ է նախաձեռնվել նաև Քրեական օրենսգրքի 335-րդ հոդվածի 1-ին մասի հատկանիշներով։
Հոդվածը վերաբերում է հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությանը, համաձայն որի` անձը (անձինք) պատժվում է ազատության սահմանափակմամբ՝ առավելագույնը երեք տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը հինգ տարի ժամկետով:
Անի Թամրազյան
