06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ԿԸՀ-ն հերթական նիստում մի շարք որոշումներ է ընդունել
Քաղաքականություն
27.03.2025 | 18:09
Կենտրոնական ընտրական հանձնաժողովը մարտի 27-ի հերթական նիստում սահմանել է «Քաղաքացիական ծառայության մասին» օրենքի հիման վրա Հայաստանի Հանրապետության կենտրոնական ընտրական հանձնաժողովում քաղաքացիական ծառայության թափուր պաշտոն զբաղեցնելու համար մրցույթի անցկացման կարգը․ տեղեկացնում են ԿԸՀ-ից։
Վերոնշյալ կարգի սահմանումը պահմանավորված է «Ընտրական օրենսգիրք» սահմանադրական օրենքում դեկտեմբերին 5-ից արված փոփոխություններով, որոնք ուժի մեջ են մտնելու 2025 թվականի ապրիլի 1-ից։
ԿԸՀ հերթական նիստում 25 օրակարգային հարց է ընդգրկված եղել, որոնցից 23-ը վերաբերում են ԿԸՀ որոշումներում փոփոխություններ կատարելուն, ինչը կրկին պայմանավորված է «Ընտրական օրենսգիրք» սահմանադրական օրենքի փոփոխություններով։
Կենտրոնական ընտրական հանձնաժողովը մարտի 21-ին ստացել է Երևանի քաղաքապետի
արձանագրությունն առ այն, որ ավագանու անդամ Նարեկ Մանուկյանի լիազորությունները վաղաժամկետ
դադարել են։
Հանձնաժողովը մարտի 27-ի հերթական նիստում արձանագրել է, որ Երևանի ավագանու
«Քաղաքացիական պայմանագիր» կուսակցության ընտրական ցուցակից ընտրված և լիազորությունները
վաղաժամկետ դադարած ավագանու անդամի մանդատը տրվել է վերոնշյալ կուսակցության ընտրական
ցուցակի հերթական հաջորդ թեկնածու Արեւիկ Գեւորգի Բլեջյանցին։
