23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Երբ խորհրդակցություն լինի, անպայման կտեղեկացնենք. Արման Եղոյանը չի հստակեցնում՝ ե՞րբ վարչապետը կհանդիպի ԲՀԿ-ի և ՀՅԴ-ի հետ
Քաղաքականություն
02.10.2018 | 18:52
Երբ խորհրդակցություններ լինեն, անպայման կտեղեկացնենք:
Այս մասին Factor.am-ին ասաց ՀՀ վարչապետի մամուլի խոսնակ Արման Եղոյանը՝ պատասխանելով հարցին, թե ե՞րբ են հանդիպումներ սպասվում խորհրդարանական մյուս ուժերի հետ. ՀՀԿ խմբակցության ղեկավարի հետ հանդիպումը երեկ էր:
«Երբ որ հանդիպում նախատեսվի, կասենք, հո գաղտնի չե՞ն հանդիպի»,- հավելեց Արման Եղոյանը:
Ճշտող հարցին՝ դա նշանակում է, որ ժամկետների մասին դեռևս ոչինչ հայտնի չէ՞, վարչապետի խոսնակը կրկնեց. «Երբ որ լինի, կասենք»:
Նշենք, որ տեղեկություններ կային, որ վարչապետն այսօր հանդիպելու է «Ծառուկյան» խմբակցության հետ:
Խմբակցության պատգամավոր Իվետա Տոնոյանը, սակայն, Factor.am-ին հայտնեց, որ իրենք դեռ հրավեր չեն ստացել:
Հավելենք, որ մեր տեղեկություններով՝ քիչ անց «Ծառուկյան» խմբակցությունը հանդես է գալու հայտարարությամբ:
Հիշեցնենք, որ վարչապետ Նիկոլ Փաշինյանը հայտարարել էր արտահերթ խորհրդարանական ընտրությունների հարցով խորհրդարանական և արտախորհրդարանական ուժերի հետ հանդիպումների մասին: Նախօրեին վարչապետ Փաշինյանը հանդիպել է ԱԺ ՀՀԿ խմբակցության ղեկավար Վահրամ Բաղդասարյանի հետ:
