22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Ավինյանը որևէ մեկին վիրավորելու նպատակ չի ունեցել․ Սիմոնյանը՝ «փափախով քուրդ» արտահայտության մասին․ ՏԵՍԱՆՅՈՒԹ
Հասարակություն
25.03.2025 | 10:29
ԱԺ քառօրյա նիստի մեկնարկին մինչև օրակարգային հարցերի քննարկումը ընդդիմադիր «Հայաստան» խմբակցության պատգամավոր Գեղամ Մանուկյանն անդրադառձավ Երևանի քաղաքապետ Տիգրան Ավինյանի վերջերս հնչեցրած «փափախով քուրդ» արտահայտությանը։
«Պարո՛ն Սիմոնյան, քաղաքապետ Տիգրան Ավինյանը հերթական անգամ անհարգալից արտահայտություն է թույլ տվել քուրդ համայնքի նկատմամբ։ Որպես ԱԺ նախագահ՝ ակնկալում եմ, որ Ձեր կողմից դիրքորոշում կլինի առանվազն դատապարտող կարճ արտահայտություն»,- ասաց Մանուկյանը՝ դիմելով ԱԺ նախագահին։
Ալեն Սիմոնյանն էլ հայտարարեց, որ վստահ է՝ Տիգրան Ավինյանը որևէ մեկին վիրավորելու նպատակ չի ունեցել։
«Մեր խոսակցականի մեջ արտահայտություններ կան, որոնք ուղիղ իմաստով չեն գործածվում։ Դրանցով նպատակ չունենք որևէ մեկին, կամ որևէ ազգի վիրավորելու, տարանջատելու։ Մենք հաճախ մեր հարևանների ազգությունը նշում ենք` փորձելով իրար վիրավորել, այն պարագայում, որ դա ընդամենը ազգության անվանումն է»,- նշեց ԱԺ նախագահը։ Գեղամ Մանուկյանը ներողություն խնդրեց քուրդ ժողովրդից։
Ի պատասխան Ալեն Սիմոնյանն էլ ասաց․ «Եթե ուզում եք ներողություն խնդրել, կարող եք գրանցվել և 10 րոպե ներողություն խնդրել տարբեր բաների համար, այդ ցանկը մեծ է։ Դուք այն պատգամավորներից էր, որ սեռական բնույթի հայհոյանք եք գրել ՔՊ-ին քվեարկած մարդկանց»:
Հիշեցնեք, որ Երևանի ավագանու նիստին քաղաքապետ Տիգրան Ավինյանն անդրադարձել էր ընդդիմության այն մեղադրանքներին, թե քաղաքապետարանը վատ է աշխատում։ Երևանի քաղաքապետը, դիմելով ընդդիմադիրներին, հայտարարել էր, որ նրանք որքան էլ փորձեն իրենց տարանջատել բոլոր նախկին իշխանություններից, միևնույնն է, դա անհնար է, մարդիկ էլ «փափախով քուրդ չեն»։
Մանրամասները՝ տեսանյութում։
