24.06.2026 | 21:09
Ադրբեջանի ԱԳՆ-ն դատապարտել է Արցախի հայերի ու գերիների վերաբերյալ պաշտոնական Փարիզի հայտարարությունները
Լավրովը Միրզոյանի հետ քննարկել է Ադրբեջանի հետ խաղաղության համաձայնագրի տեքստի համաձայնեցման առաջընթացը
Քաղաքականություն
24.03.2025 | 17:54
ՌԴ ԱԳ նախարար Սերգեյ Լավրովը և ՀՀ ԱԳ նախարար Արարատ Միրզոյանը քննարկել են տարածաշրջանային օրակարգն ու նշել Բաքվի ու Երևանի միջև խաղաղության համաձայնագրի տեքստի համաձայնեցման հարցում առաջընթացը։ Այս մասին ասվում է ՌԴ ԱԳՆ-ի՝ նախարարների հեռախոսազրույցի արդյունքների մասին հայտարարության մեջ, փոխանցում է ՏԱՍՍ-ը։
«Արտաքին քաղաքականության գերատեսչությունների ղեկավարները քննարկել են երկկողմ, տարածաշրջանային և գլոբալ օրակարգի ակտուալ հարցեր: Նշվել է Երևանի ու Բաքվի միջև խաղաղության համաձայնագրի տեքստի համաձայնեցման առաջընթացը, որը բարձր գնահատականի է արժանացել Մոսկվայում»,- ասվում է հաղորդագրության մեջ։
Ռուսական կողմը նաև նշում է, որ նախարարները քննարկել են առաջիկա միջպետական շփումների ժամանակացույցը և առարկայական բովանդակությունը։
Թարգմանությունը՝ Էմմա Չոբանյանի
