05.06.2026 | 11:05
Ընտրակաշառք, հարկադրում, խոչընդոտում․ ընտրական հանցագործությունների գործերով մեղադրյալների թիվը հասել է 40-ի
Ուզում եմ ներողություն խնդրել հայ ժողովրդից, այսպիսի արդյունքն անընդունելի է. Ջոն վան’տ Սխիպ
23.03.2025 | 21:33
Ուզում եմ ներողություն խնդրել հայ ժողովրդից, երկրպագուներից, այսպիսի արդյունքն անընդունելի է։ Վրաստանի հավաքականից կրած պարտությունից հետո հետխաղային մամուլի ասուլիսում ասել է Հայաստանի ազգային հավաքականի գլխավոր մարզիչ Ջոն վան’տ Սխիպը։
«Երբ խաղը սկսում ես այսպես` երրորդ րոպեին գոլ ընդունելով, հետո նաև երկրորդ գոլը, երրորդ գոլը և մի շարք դրվագներում լինելով շատ ոչ պրոֆեսիոնալ, այսինքն, կորցնելով գնդակը անհարկի շատ, իհարկե, այսպիսին պետք է լինի խաղի արդյունքը»,- ասաց Հայաստանի հավաքականի գլխավոր մարզիչը։
Թբիլիսիի «Դինամո Արենա» մարզադաշտում այսօր ավարտվեց Ազգերի լիգայի B դիվիզիոնի փլեյ-օֆֆի պատասխան խաղը Վրաստանի և Հայաստանի հավաքականների միջև։ Վրաստանի հավաքականը 6:1 հաշվով հաղթեց Հայաստանի ընտրանուն։
Հայաստանի հավաքականից երկրորդ խաղակեսում գոլի հեղինակ դարձավ Էդգար Սևիկյանը։ Այսպիսով, Հայաստանի հավաքականը կշարունակի խաղալ C դիվիզիոնում, Վրաստանինը` B:
Հիշեցնենք, որ հավաքականների միջև Երևանում կայացած առաջին խաղում Վրաստանի ընտրանին 3:0 հաշվով առավելության էր հասել Հայաստանի հավաքականի նկատմամբ։ Երկխաղյա դիմակայության արդյունքում հաշիվը դարձավ 9:1` հօգուտ Վրաստանի ընտրանու։
