25.05.2026 | 12:29
«Խոսակցությունները չեն համապատասխանում իրականությանը»․ ԿԳՄՍ-ն՝ Արտամետի Գուրգեն Մարգարյանի անվան դպրոցի փակման մասին
Հանվում է ոստիկանությունում ծառայության անցնելու 35 տարեկանի շեմը, ծառայության կարող են անցնել 18 տարեկանը լրացած անձինք․ ՆԳ նախարար
Հասարակություն
21.03.2025 | 17:43
ԱԺ պաշտպանության և անվտանգության մշտական հարցերի հանձնաժողովում ՆԳՆ նախարար Արփինե Սարգսյանը ներկայացրեց 2024 թվականի կատարած աշխատանքների արդյունքները։ Նա նշեց, որ քրեական ոստիկանության դեպքում հատկապես բաց ընդունելություն են կազմակերպել և քաղաքացիական անձինք ևս կարողացել են մասը կազմելու ընդունելությանը:
Նախարարի խոսքով՝ այս պահի դրությամբ ունեն մի շարք քաղաքացիական անձինք, որոնք իրենց աշխատանքն են իրականացնում քրեական ոստիկանությունում:
«Համայանքային ոստիկանության դեպքում ևս նախատեսվելու է բաց մրցութային ձևաչափ կադրերի ընտրության դեպքում, այս փուլը հաղթահարած անձինք կհամարվեն ատեստավորված, ինչը կնշանակի, որ հնարավորություն կա գերազանց անցնելով բոլոր պրոցեսները՝ այդ թվում ստանալ սպայական կոչում և միջինում ստանալ 500 հազար դրամ դրամական բավարարումը»,- փոխանցեց նա։
Սարգսյանը նաև հայտնեց, որ մեկ այլ օրենսդրական փաթեթով հանվում է ոստիկանության ծառայության անցնելու 35 տարեկանի առավելագույն շեմը և նախատեսվում է, որ ոստիկանությունում աշխատանքի կարող են անցնել 18 տարեկանը լրացած բոլոր ՀՀ քաղաքացիները։ Նախարարը նշեց, որ նրանք պետք է տիրապետեն հայերենին թե՛ կրթությամբ, թե՛ պատրաստվածությամբ, և թե՛ նաև ֆիզիկական տվյալներով ունակ լինեն կատարելու ոստիկանության առջև դրված խնդիրները։
