12.04.2026 | 20:50
Կառավարության առաջիկա հինգ առաջնահերթություններից մեկը լինելու է ջրի խնդրի լուծումը․ Փաշինյան
Տնտեսվարողը շարունակում է աշխատանքը, մենք՝ վարչարարությունը, մինչև կառուցապատողը ավարտում է աշխատանքը․ ՏԵՍԱՆՅՈՒԹ
Հասարակություն
21.03.2025 | 17:12
«Հանրային աղմուկը՝ որպես համակեցության կանոնների պահպանման խոչընդոտ, գործող իրավական կարգավորումներ: Օրենսդրական լուծումներ» թեմայով խորհրդարանական լսումների ժամանակ Առողջապահության և աշխատանքի տեսչական մարմնի պետի տեղակալ Թագուհի Հակոբյանը՝ խոսելով շինհրապարակներում խախտումների արձանագրման դեպքերի մասին, խոստովանում է, որ 40-ից 200 հազար դրամ տույժը կառուցապատողի համար այնպիսի նշանակություն չունի, որ նրա վրա կարողանա ներգործություն ունենալ։
«Տնտեսվարողը շարունակում է իր աշխատանքը, մենք շարունակում ենք մեր վարչարարությունը, պատրաստակամ վճարում է տուգանքը ու մինչև մենք գնում ենք կատարողականը նայելու և կատարած չի լինում, նորից հարկադրանքի նախազգուշացում, էլի տուգանք ենք կիրառում։ Այս վարչարարությունը շարունակվում է հիմնականում այնքան, մինչև կառուցապատողը ավարտում է իր աշխատանքը»,- նշում է տեսչական մարմնի պետի տեղակալը՝ հավելելով, որ տեսչական մարմինը չունի լիազորություն շինարարությունը կասեցնելու համար։
«Խնդրի լուծման համար քննարկումներ են եղել և մենք բարձրացրել ենք այդ հարցը։ Այդ լիազորությունը կամ պետք է մեզ տրվի, կամ պետք է տեսչական մարմինը դիմի իրավասու մարմիններին դրա համար»,- շեշտում է Հակոբյանը։
Մանրամասները՝ տեսանյութում։
