25.06.2026 | 10:18
NYMEX. Թանկարժեք մետաղների գները նվազել են
Արցախցի Տիգրան Ուլուբաբյանը կառերեսվի ոստիկանների հետ, որոնք, նրա պնդմամբ, խոշտանգել են իրեն․ քաղաքացիները հավաքվել են ՔԿ-ի դիմաց
Հասարակություն
21.03.2025 | 14:16
Արցախցի Տիգրան Ուլուբաբյանն այսօր կառերեսվի ոստիկանների հետ, որոնք, նրա պնդմամբ, Վանաձորի Ոստիկանության բաժնում խոշտանգել են իրեն։
Հիշեցնենք, որ ըստ Տիգրան Ուլուբաբյանի պատմածի՝ Վանաձորում բնակվող իր բարեկամներից մեկի տնից գողություն է կատարվել, ինքը բարեկամուհուն ուղեկցել է Ոստիկանություն, որից հետո իրեն կանչել են վարչություն ու ծեծի միջոցով ստիպել խոստովանել, որ ինքն է կազմակերպել գողությունը։ Ուլուբաբյանը, սակայն, չի խոստովանել և այժմ էլ պնդում է, որ հանցագործության հետ կապ չունի։
Ուլուբաբյանի փաստաբան Ռոման Երիցյանը բարձրաձայնել է այն մասին, որ ենթադրյալ խոշտանգման դեպքը տեղի է ունեցել մարտի 14-ին, սակայն քրեական վարույթը նախաձեռնվել է 4 օր անց՝ միայն այն բանից հետո, երբ աղմուկ է բարձրացվել դրա վերաբերյալ։
Նշենք, որ արդեն երրորդ օրն է՝ մի խումբ քաղաքացիներ հավաքվում ենն Քննչական կոմիտեի շենքի դիմաց՝ պահանջելով քրեական հետապնդում հարուցել Ուլուբաբյանին խոշտանգնման ենթարկած ոստիկաններին։
