08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Արտակարգ դեպք դպրոցում. 15-ամյա տղան «գանգուղեղային վնասվածք» ախտորոշմամբ տեղափոխվել է հիվանդանոց
Հասարակություն
21.03.2025 | 12:08
Մարտի 18-ին` ժամը 13:10-ին ՀՀ ՆԳՆ ոստիկանության օպերատիվ կառավարման կենտրոն հաղորդում է ստացվել, որ «քթի վնասվածք» ախտորոշմամբ «Սուրբ Գրիգոր Լուսավորիչ» Բ/Կ բուժօգնության է դիմել 2010 թ. ծնված պատանի։ Այս մասին Factor.am-ին հայտնեցին ՆԳՆ-ից:
«Ժամը 13.52-ին «Ուիգմոր» Բ/Կ-ից է հաղորդում է ստացվել, որ «գանգուղեղային վնասվածք» ախտորոշմամբ շտապօգնության խումբը իրենց մոտ է տեղափոխել նույն պատանուն, որը վնասվածքը ստացել է դպրոցում տեղի ունեցած ծեծկռտուքի հետևանքով:
Համայնքային ոստիկանության Ավանի բաժնից մեկնած խումբը պարզել է, որ նույն օրը ժամը 12:00-ին դպրոցում վիճաբանության ժամանակ 2011 թվականին ծնված մեկ այլ պատանի ձեռքով հարվածել է վերջինի դեմքին՝ պատճառելով մարմնական վնասվածք: Կազմված փաստաթղթերն ուղարկվել են քննչական բաժին»,- մանրամասնեցին ՆԳՆ-ից:
Factor TV-ն դիմել է նաև ՔԿ խոսնակին` պարզելու քրեական վարույթ նախաձեռնվել է, թե ոչ: Կիմա Ավդալյանի փոխանցմամբ` վարույթ չի նախաձեռնվել, քանի որ տղայի ծնողն իր դիմումը հետ է վերցրել:
Արփի Հակոբյան
