06.11.2026 | 17:17
Գազը մինչև մարտ չի կարող թանկանալ. Մեսրոպ Մեսրոպյան․ ՏԵՍԱՆՅՈՒԹ
Թեժ վիճաբանությամբ մեկնարկեց ԱԺ ՊՆ հանձնաժողովի նիստը․ ՏԵՍԱՆՅՈՒԹ
Հասարակություն
21.03.2025 | 11:18
ԱԺ պաշտպանության և անվտանգության մշտական հարցերի հանձնաժողովի նիստը, որտեղ պաշպանության նախարար Սուրեն Պապիկյանը պետք է ներկայացնի նախորդ տարվա կատարողականի մասին զեկույցը, սկսվեց թեժ վիճաբանությամբ։
Ընդդիմադիր «Հայաստան» խմբակցության պատգամավոր Գեղամ Մանուկյանն անդրադարձավ երեկ Անդրանիկ Քոչարյանի և լրագրող Հռիփսիմե Ջեբեջյանի միջև տեղի ունեցած միջադեպին։ Պատգամավորը լրատվամիջոցների ներկայացուցիչներին կոչ արեց բոյկոտել և հարցեր չտալ Անդրանիկ Քոչարյանին։
Անդրանիկ Քոչարյանն էլ պարզաբանեց, որ կրկնել է Բագրատ արքեպիսկոպոս Գալստանյանի խոսքերը։
«Ես կրկնել եմ Բագրատ Սրբազանի ասածը, Սրբազան բառը ասում եմ միտումնավոր, ես ընդամենը արձանագրել եմ, որ խոսքն օգտագործելուց պետք է լինի մաքուր։ Դրանում որևէ վիրավորական բան չկա, եթե սխալ բան եք հասկացել, ամեն մարդ մտածում է իր փչացածության աստիճանով»,- նշեց նա։
Հիշեցնենք, որ երեկ Անդրանիկ Քոչարյանի ճեպազրույցի ժամանակ, երբ «tribune.am»-ի լրագրող Հռիփսեիմե Ջեբեջյանը փորձել էր հարց ուղղել նրան, պաշտպանության հանձնաժողովի նախագահը ասել էր՝ «շուրթերդ մաքրի»։
Մանրամասները՝ տեսանյութում։
