18.09.2026 | 15:38
Ռուբեն Վարդանյանը դիմել է Ադրբեջանի ՄԻՊ-ին՝ բարձրաձայնելով Ումբակիում պահվող հայերի իրավունքների խախտումների մասին
Գործող իշխանությունն ավանսով ստացած վստահությունը պետք է այժմ փոխհատուցի․ Վահագն Խաչատրյան․ ՏԵՍԱՆՅՈՒԹ
Քաղաքականություն
02.10.2018 | 14:31
Երևանի նախկին քաղաքապետ, տնտեսագետ Վահագն Խաչատրյանը կարծում է, որ ավագանու արտահերթ ընտրություններից հետո պետք է պահանջել քաղաքական ուժի տված խոստումների կատարում։ Այս մասին այսօր հրավիրված մամուլի ասուլիսի ժամանակ ասաց նա։
«Գործող իշխանությունն իր ղեկավար կազմով ցույց տվեց, որ Երևանում ունի ուժ։ Իսկ հիմա ժամանակն է, որ այդ ավանսով ստացած վստահությունը փոխհատուցվի»,- նշեց Խաչատրյանը։
Տնտեսագետն ընդգծեց, սակայն, որ այդ փոխհատուցման համար նախ պետք է լուծել Երևանում առկա խնդիրները և բարձրացնել կառավարման արդյունավետությունը։ «Երևանում կա քաղաքապետ, որն անմիջական ղեկավարում է իրականացնում, կան թաղապետեր, որոնք ունեն իրենց լիազոր ներկայացուցիչները, հաջորդ օղակը համատիրությունն է, որը որպես էդպիսին գոյություն չունի, հետևաբար քաղաքապետարանը պետք է այս կարևոր օղակի կառավարման հարցը լուծի»,- ասաց նա։
Վահագան Խաչատրյանի փոխանցմամբ՝ հաջորդ կարևոր հարցը բնակֆոնդի խնդիրն ու ջեռուցման հարցն է։ «Բնակֆոդը գտնվում է անմխիթար վիճակում։ Այդ շենքերում որևիցե սպասարկում չի իրականացվել և հնարավոր է, որ այնպիսի իրավիճակում հայտնվենք, որ այդ շենքերում առհասարակ անհնար լինի ապրել, մինչդեռ այդ խնդիրները նախընտրական ծրագրերում ուշադրության չէին արժանացել»,- ընդգծեց Երևանի նախկին քաղաքապետը։
Մանրամասները՝ տեսանյութում։
