07.09.2026 | 19:32
Առողջության համընդհանուր ապահովագրության հիմնադրամի գլխավոր տնօրենի պաշտոնի համար կանցկացվի նոր մրցույթ
Պահնորդների քանակը չի գերազանցի 3-ը, մեկ անձին այլևս չեն ուղեկցի 2-րդ մեքենայով. փոխնախարար․ ՏԵՍԱՆՅՈՒԹ
Հասարակություն
20.03.2025 | 13:04
ԱԺ պաշտպանության և անվտանգության մշտական հարցերի հանձնաժողովում քննարկվեց «Մասնավոր պահնորդական գործունեության մասին» օրենքում լրացումներ և փոփոխություններ կատարելու մասին» օրենքի նախագիծը։ Հարցը զեկուցող ՆԳ նախարար տեղակալ Արմեն Մկրտչյանը ներկայացրեց, որ նախագծով առաջարկվում է լիցենզիա ստանալու համար հայտ ներկայացնելիս մասնավոր պահնորդական կազմակերպությունը պետք է ունենա առնվազն 10 որակավորված պահնորդ՝ ներկայիս 1-ի փոխարեն:
«Նախատեսում ենք նաև, որ գործունեության այս տեսակը պետք է ունենա պարտադիր ապահովագրական պահանջ, որը պետք է նախորդ տարվա ընթացքում մատուցված ծառայությունների համար գանձված վճարների կրկնակի չափը ունենա, բայց ոչ պակաս, քան 10 մլն դրամը։ Նոր փոփոխությամբ առաջարկվում է, որ պահնորդների քանակը չի կարող գերազանցել 3-ը մեկ անձին էլ այլևս չեն ուղեկցի 2-րդ մեքենայով»,- նշեց փոխնախարար՝ հավելելով, եթե պահնորդական կազմակերպության գործունեության սխալի հետեւանքով պահպանվող օբյեկտը վնաս կրի կամ տուժի որևէ կերպ, ապա ապահովագրական գործակալությունը համապատասխան գումարի չափով պետք է հատուցի այդ վնասները:
Մկրտչյանը նաև հավելեց, որ այս կարգավորումներից բացի, առաջարկվում է մասնավոր պահնորդական գործունեության լիցենզիա ստանալու համար պետական տուրքի դրույքաչափը՝ բազային տուրքը, որը շուրջ 13 տարի չի փոփոխվել, և կազմակերպության գործունեության ամբողջ ժամանակահատվածի համար վճարվում է մեկ անգամ, 500-ապատիկի փոխարեն սահմանել 3000-ապատիկի չափով:
