06.10.2026 | 09:45
Մեղրիում հրդեհ է բռնկվել երկհարկանի տանը․ այրվել է շուրջ 200 քմ տարածք
Բաքվում ընթացող շինծու գործերով նիստում հարցերի է պատասխանել Լևոն Մնացականյանը
Քաղաքականություն
17.03.2025 | 15:43
Բաքվում ընթացող Արցախի ռազմաքաղաքական ղեկավարների շինծու գործերով հերթական դատական նիստում հարցերի է պատասխանել Պաշտպանության բանակի նակին հրամանատար Լևոն Մնացականյանը։ Ըստ ադրբեջանական լրատվամիջոցների՝ նա, իբր, ասել է, թե Արցախի բանակում բարձրաստիճան պաշտոնների նշանակման մասին որոշումներն ընդունվել են անմիջապես Հայաստանում։
Մնացականյանը հայտարարել է, թե, իբր, փոխգնդապետի և ավելի բարձր զինվորական կոչումներ շնորհվել են Զինված ուժերի գլխավոր շտաբի պետի, պաշտպանության նախարարի և Հայաստանի նախագահի կողմից։ Նա ասել է, որ «ինքը կարողացել է պաշտոնների նշանակել մինչև մայորի աստիճան ունեցողներին և կոչումներ շնորհել՝ մինչև մայոր»։
Ադրբեջանական լրատվամիջոցները նշում են նաև, թե Լևոն Մնացականյանը, իբր, հայտարարել է, որ Արցախի բանակի ֆինանսական հարցերը որոշել է Հայաստանի պաշտպանության նախարարությունը։
Թարգմանությունը՝ Էմմա Չոբանյանի
