01.10.2026 | 23:01
Ադրբեջանցի զինծառայողի կրակոցից վիրավորված կնոջ անչափահաս երեխաները բուժօգնության են դիմել. Դատախազություն
Անհետ կորածների ծնողները ակցիա են անում կառավարության շենքի դիմաց` հայցերի հետկանչման մասով․ ՏԵՍԱՆՅՈՒԹ
Հասարակություն
14.03.2025 | 14:52
«Հայաստանին պաշտոնապես պատերազմ է հայտարարում, դուք կանգնել խաղաղություն եք ողորմում»,- Կառավարության շենքի դիմաց բողոքի ակցիայի ժամանակ վարչապետի օգնական Գագիկ Իսախանյանին ասաց անհետ կորած տղաների ծնողներից մեկը։
Նրանց մտահոգում է Բաքվի դեմ միջազգային ատյաններում ներկայացված հայցերը հետ կանչելու՝ իշխանությունների որոշումը, քանի որ խաղաղության պայմանագրի կնքման Բաքվի պահանջներից մեկն էլ դա էր և երեկ պարզ դարձավ, որ հայկական կողմը համաձայնել է նաև այդ պահանջին։
Ծնողները համաձայն չեն այդ որոշման հետ, ասում են՝ առանց այն էլ հիմա, երբ այդքան հայցեր կան Բաքվի դեմ, որևէ բան չի արվում, իսկ ի՞նչ կլինի, երբ հայցերը հետ կանչվեն։
Նրանց հետ հանդիպելու եկավ վարչապետի օգնական Գագիկ Իսախանյանը և պնդեց, որ պայմանագրում անհետ կորածներին վերաբերող կետ կա։ Չպատասխանեց լրագրողների հարցին, թե ինչու Նիկոլ Փաշինյանը չի ընդունում ծնողներին։
Մանրամասները՝ տեսանյութում։
Արփի Հակոբյան
