05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Առաջին անգամ եմ լսում. Ավինյանի մամուլի քարտուղարը` 60 վարորդի ազատման դիմումի մասին․ ՏԵՍԱՆՅՈՒԹ
Հասարակություն
14.03.2025 | 12:09
Factor TV-ի տեղեկություններով` «Երևան ավտոբուս» ՓԲԸ-ի 60 վարորդ աշխատանքից ազատման դիմումներ է գրել, որոնք այժմ ընկերության տնօրեն Բեգլար Կիսակոսյանի սեղանին են: Factor TV-ն այս մասին հարցրեց Երևանի քաղաքապետի մամուլի քարտուղար Հայկ Կոստանյանին, որը քաղաքապետարանում ճեպազրույց է հրավիրել:
«Առաջին անգամ Ձեզնից եմ լսում»,- ասաց Կոստանյանը` խոստանալով ճեպազրույցից հետո ճշտել տեղեկությունը և հայտնել:
Factor TV-ն Կոստանյանից հետաքրքրվեց նաև` ինչո՞ւ է լրագրողներին բրիֆինգ տալիս ինքը, իսկ Տիգրան Ավինյանը նախընտրում է հանդիպել լրատվամիջոցների խմբագիրների հետ, որոնք այլ գործառույթներ ունեն:
Բրիֆինգից հետո Հայկ Կոստանյանը վստահեցրեց, որևէ ազատման դիմում չկա ընկերության տնօրենի սեղանին։ Սակայն քաղաքացիներն էլ շարունակում են ահազանգել, որ սովորականից ավելի երկար են սպասում կանգառներում, իսկ 22։00-ից հետո հատուկենտ ավտոբուսներ են աշխատում։
Factor TV-ն ունի նաև մի ձայնագրություն, որում ավտոբուսի վարարոդներից մեկն ասում է՝ վարորդները աշխատանքից ազատման դիմումներ են գրել և պահանջներ ներկայացրել, եթե տնօրինությունը չկատարի դրանք, կթողնեն աշխատանքը։
Մանրամասները` տեսանյութում:
Արփի Հակոբյան
