12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Փաշինյանի հարցազրույցը թուրքական ԶԼՄ-ներին. ՏԵՍԱՆՅՈՒԹ
Քաղաքականություն
13.03.2025 | 22:03
ՀՀ վարչապետ Նիկոլ Փաշինյանը հարցազրույց է տվել 10 թուրքական լրատվամիջոցների ներկայացուցիչների։ Դեռ մարտի 11-ին էր Փաշինյանը սոցցանցի իր էջում տեսանյութ հրապարակել և կից գրել, որ հարցազրույց է տվել թուրքական լրատվամիջոցներին։
Ավելի վաղ «Հանրային կապերի և տեղեկատվության կենտրոն» ՊՈԱԿ-ի տնօրեն Գոռ Ծառուկյանը Factor.am-ին տեղեկացրել էր, որ թուրքական լրատվամիջոցների համար եռաօրյա մեդիատուր է կազմակերպվել «Հանրային կապերի և տեղեկատվության կենտրոն» նախաձեռնությամբ և միջոցներով։
Գոռ Ծառուկյանը նաև հայտնել էր, որ Հայաստան են հրավիրել թուրքական առաջատար և լայն լսարան ունեցող լրատվամիջոցների ներկայացուցիչներ։ Նա փոխանցել էր, որ այցին մասնակցել են և՛ պետական, և՛ պրոիշխանական, և՛ ընդդիմադիր դիրքորոշում ունեցող լրատվամիջոցների ներկայացուցիչները, ինչպես նաև հայալեզու «Ակոս» թերթի ներկայացուցիչը։
«ՀՀ վարչապետի աշխատակազմի Հանրային կապերի և տեղեկատվության կենտրոնը, նպատակ ունենալով Թուրքիայի լայն հանրությանը հնարավորինս ուղիղ և հանգամանալից ներկայացնել տարածաշրջանում կայուն խաղաղության հաստատման, Հայաստան-Թուրքիա հարաբերությունների կարգավորման վերաբերյալ Հայաստանի մոտեցումներն ու դիրքորոշումները, կազմակերպել է թուրքական լրատվամիջոցների մեդիատուր»,- նշել էր ՊՈԱԿ-ի տնօրենը։
Մանրամասները՝ տեսանյութում։
